أحمد موسى عن حادث قطار مطروح: «الدولة كلها تحركت ولم يقصر أحد»
أحمد موسى عن حادث قطار مطروح: «الدولة كلها تحركت ولم يقصر أحد»
قال الإعلامي أحمد موسى، إن هناك من يريدون التخلص من وزير النقل، وفىه لجان وتصفية حسابات سياسية.
وتابع خلال تقديم برنامج على مسئوليتي، المذاع على قناة صدى البلد: لو ظفر مواطن البلد كلها بتقف على رجل لأن البلد بتهتم بكل مواطن، ما هو التحديث اللي حاصل عشان الناس ومصلحتهم وخدمتهم مش عاوزين نستبق التحقيقات ولا أحد يعرف الحقيقة، قائلا: «هو في حد عاوز يعمل حوادث، بلاش الكلام الفاضي والتصيد».
ولفت الإعلامي أحمد موسى، إلى أن الفريق كامل الوزير قدم إنجازات ضخمة في قطاع النقل والموانئ ولكن في ناس لسان حالهم امسك شوف مش عارف إيه وكلام هم مش فاهمينه ودول متربصين للبلد ربنا يحمي البلد ويرحم المتوفين في حادث قطار مطروح ويشفي المصابين، والدولة تحركت فور وقوع الحادث ولم يقصر أحد وهيتشاف إيه اللي حصل في القطار ويتحاسب المتسبب.
النيابة العامة هي الجهة المعنية الوحيدة التي تحدد سبب الحادث
ولفت إلى أن النيابة العامة هي الجهة المعنية الوحيدة التي تحدد سبب حادث قطار مطروح، معلقا: «محدش فينا خبير مش كل واحد يقول رأيه طب لو أنت خبير اكتب تقرير والناس تنقل من حد مش فاهم، بلاش يا جماعة الكلام ده عشان بلدنا وفي ناس رددت على السوشيال ميديا أنه لا يوجد أوناش ومفيش نقل للمصابين، رغم أن الفيديوهات بتقول في 4 أوناش عملاقة تشيل عربة قطر، طيب والناس اللي راحت المستشفى دي راحت إزاي ومين وداها».
وشدد على أن الفريق كامل الوزير تحرك فورًا لموقع الحادث فور وقوعه، قائلًا: «ده مسئول لازم يشوف إيه اللي حصل ويرفع تقرير للرئيس عبد الفتاح السيسي، الدولة كلها تحركت دي حياة ناس مصر دي بلدنا كلنا يا جماعة، ومحدش بيفرط في حاجة ولا بيطرمخ على حاجة، بس في أمور فنية محدش يتكلم فيها غير المتخصصين».
