أمير عيد لجمهوره في مهرجان العلمين: الأرقام مش مقياس نجاح

تفاعل رواد مواقع التواصل الاجتماعي، خلال الساعات الماضية، مع تصريحات الفنان أمير عيد في حفله الأخير ضمن فعاليات مهرجان العملين الجديدة في نسخته الثالثة.

تفاعل الجمهور مع تصريحات أمير عيد

وعلّق الفنان أمير عيد على الفنانين الذي يحرصون على أن يكونوا الأعلى مشاهدة أو استماع، قائلا: «الأرقام عمرها ما كانت معيار إن الفنان جامد أو مش جامد، والحقيقة مش بقدر أفهم ليه الناس مهووسة أوي بفكرة الأرقام، أكثر مشاهدة، أكثر متابعة، أجمد عربية، أجمد ساعة، أعتقد دا لو يدل على شيء يدل إن الشخص بيبقى فاضي من جوة فبيحب يملى من برة».

كما علق أمير عيد على من يتباهون بممتلكاتهم باهظة الثمن، قائلا: «عموما الحاجات الرخيصة هي أكتر حاجة بتتباع، لذلك الأرقام أحيانا ممكن تبقى دليل على الرخص، وفيه ناس بتتباهى بالعربيات والفلوس والساعات.. فاكر إن أمي قالتلي عمرك ما هتبقى شخص غني إلا لو أنت عندك حاجة الفلوس مبتشتريهاش».

أمير عيد: المهم القيمة مش العدد

وتابع «عيد» حديثه عن السوشيال ميديا: «دلوقتي السوشيال ميديا بتحسسنا إن إحنا مش عايشين وبنشوف ناس عاملة نفسها مبسوطين وفرحانين، دي مش ناس حقيقية، أنتوا اللي ناس حقيقية مش محتاجين توروا أي حاجة لأي حد، عايز أقول حاجة، وأنا جاي في الطريق للقاهرة ناس كتير طلعولي التذاكر من العربية وبيسلموا عليا كلهم، فيهم حماس شديد جدا، الموضوع عمره ما كان بالعدد، الموضوع في الروح حتى لو الحضور النهاردة كان نص العدد أو عشر أشخاص كنت هبقي فخور وبعمل نفس الحفلة بالظبط، المهم مش كام، المهم القيمة مش بالكم، أنا بعمل أغاني بحبها مش علشان أكون براند أو ساعة، أنا مش كيس شيبسي علشان يبقي نفسي أبيع أكتر حد، أنا فنان حر».

• مهرجان العلمين
• أمير عيد
• كايروكي