تعرف على كلمات أغنية ضي لمحمد منير.. «لو كله خاف أنا مش هخاف»
تعرف على كلمات أغنية ضي لمحمد منير.. «لو كله خاف أنا مش هخاف»
طرحت شركة الإنتاج لفيلم «ضي»، منذ قليل، الأغنية الدعائية للفيلم والتي يغنيها الكينج محمد منير أحد ضيوف شرف العمل، وهي من ألحان إيهاب عبدالواحد وكلمات مصطفى حدوتة.
كلمات أغنية ضي
وتقول كلمات أغنية ضي لمحمد منير كالتالي:
جوايا اكتشاف لو كله خاف أنا مش هخاف
من بين آلاف كل اللي شاف قال ده اكتشاف
من يومي على لوني
والناس دي صعب يغيروني
عايروني عاندوني
دلوقتي بس يتمنوا يشوفوني
لينا سيرة لينا ضي
قولوا للي جاي أنا جاي
لينا سيرة لينا ضي
مايموتش أملي وأنا حي
على أصلي وأصيل
لو كله مال أنا مش هميل
يا طريقي الطويل
هوصل مفيش هنا مستحيل
جه دوري
أنا قلق القلق
لحظة حضوري
جه اواني ده مكاني
أنا أول مش هبقى تاني
تفاصيل فيلم ضي
ويضم فيلم ضي مجموعة من نجوم الفن هم أسيل عمران، بدر محمد، إسلام مبارك، وحنين سعيد، إلى جانب عدد من ضيوف الشرف من بينهم الكينج محمد منير، أحمد حلمي، محمد ممدوح وآخرين، من تأليف هيثم دبور وإخراج كريم الشناوي.
