بعد طرحها.. كلمات أغنية ألوم على مين لجنات (فيديو)
بعد طرحها.. كلمات أغنية ألوم على مين لجنات (فيديو)
طرحت جنات أحدث ألبوماتها «ألوم على مين» الذي لاقى تفاعلًا جماهيرًا، والذي يضم 10 أغان، من بينها أغنية تحمل ذات الاسم التي تداولها رواد السوشيال ميديا، تعبيرًا منهم عن نجاحها وإعجابهم بالكلمات، التي يمكن استعراضها في التقرير التالي:
أغنية ألوم على مين لجنات من كلمات أدهم معتز وألحان تيام علي وتوزيع يوسف حسين وميكس ماستر ماهر صلاح، وجاءت كلمات الأغنية على النحو التالي:
كلمات أغنية ألوم على مين - جنات
ألوم على مين
مفيش ناس غيري يتلاموا
أنا اللي مشيت ورا كلامه
أنا اللي اخترت أعيش جنبه
وبإرادتي
ألوم على مين
ودي اختياراتي بإيديا
أنا اللي عملت كده فيا
عشان عديت كتير أوي
جيت على سعادتي
وملحوقة
سنين من عمري مسروقة
خدتني معاه طريق مسدود مضيعني
أنا استاهل
عشان في حقوقي بتساهل
أنا اللي شريت خواطر حد بيبعني
كده كفاية
واديني وصلت لنهاية
أنا هبعد مفيش حاجة هتمنعني
لا بينا عتاب ولا بينا كلام تاني
صحيح كام ذكرى وجعاني
لكن هبعد وأفوق والدنيا هتنسي
كفاية عذاب هعود قلبي على بعدو
أنا من حقي أعيش بردو
ما شوفتو كتير خلاص لازم أشوف نفسي
وملحوقة
سنين من عمري مسروقة
خدتني معاه طريق مسدود مضيعني
أنا استاهل
عشان في حقوقي بتساهل
أنا اللي شريت خواطر حد بيبعني
كده كفاية
واديني وصلت لنهاية
أنا هبعد مفيش حاجة هتمنعني
840.021 ألف مشاهدة لأغنية جنات الجديدة
جدير بالذكر أنَّ الأغنية حققت على منصة التواصل الاجتماعي «يوتيوب» العديد من المشاهدات وصل إلى 840.021 ألف مشاهدة، وتفاعل الجمهور معها كثيرًا فكتبت علياء عمر: «إبداع يا جنات بجد»، بينما كتب عادل محمد: «من وجهة نظري دي أحلى أغنية بالألبوم دا اللون اللي أحبه في أغاني جنات»، وكتب إبراهيم القاسم: «الأغنية الأقوى في ألبوم جنات وبهذا الموسم مع زحمة الألبومات، جنات تغرد خارج السرب كالعادة».
