مؤلف «ضي»: الفيلم رحلة معافرة بدأت في 2019 وانتهت بدعم 6 شركات إنتاج

كشف هيثم دبور، مؤلف فيلم «ضي – سيرة أهل الضي»، تفاصيل بداية العمل وكيف خرج إلى النور بعد سنوات من التحضير والتحديات، موضحًا أنه انتهى من كتابة السيناريو عام 2019، وأن المخرج كريم الشناوي كان متحمسا جدًا للفيلم، مشيرًا إلى أنه كان من المقرر إنتاج العمل أكثر من مرة من قبل منتجين مختلفين.

وأضاف «دبور»، خلال لقاءه ببرنامج «الإبداع في مصر»، المُذاع عبر شاشة «إكسترا نيوز»، قائلا: «قررت أنا وكريم إننا ننتج الفيلم بنفسنا، وبدأنا رحلة مش بس ندور فيها على أبطال وشكل الفيلم هيطلع إزاي، لكن كمان ندور على منتجين يشاركوا معانا»، مشددًا على أن الحظ حالفهما بعدما اهتمت شركات كبيرة بالمشروع.

مشروع جماعي بدعم 6 شركات كبرى

وتابع: «بدأنا الفيلم معانا المنتج الكبير أحمد بدوي، وانتهينا ومعانا ست شركات إنتاج، كلها من كبار الشركات اللي اهتمت إن فيلم «ضي» يخرج للنور، عشان كده بشوف إن قصة الفيلم أو رحلته شبه رحلتنا، هي رحلة فيها نوع من المعافرة عشان نعمل فيلم مختلف، فيلم ممكن يتحب، فيلم الناس تشوفه بشكل مختلف».

ضيوف الشرف قدموا مشاهد استثنائية

وأشار «دبور» إلى أن العمل جذب عددًا من النجوم كضيوف شرف، قائلًا: «عندنا ضيوف شرف مهتمين من قراءة السيناريو، وحابين يطلعوا بأدوار مختلفة، وأقدر أزعم إن أي ضيف شرف هتشوفوه في الفيلم مقدم مشهد تمثيلي حبه جدًا وعمله بشكل نفسي صدّقناه وحبيناه بشكل كبير»، مؤكدًا أهمية كتابة الشخصيات بشكل واقعي.

وشدد على أنه يتمنى أن يتفاعل الجمهور مع الفيلم؛ لأن جزء أساسي من نجاح أي عمل إن «الفنان يلاقي على الورق مساحة مهمة يقدر يقدمها كإضافة حقيقية».

• نورهان منصور
• ضي
• فيلم ضي
• ضي - سيرة أهل الضي
• هيثم دبور