«كان دايما جنبي».. مشهد مؤثر يجمع أب بابنته في حفل تخرجها (فيديو)
«كان دايما جنبي».. مشهد مؤثر يجمع أب بابنته في حفل تخرجها (فيديو)
وسط الزحام والفرحة والأنوار، لفتت لقطة إنسانية أنظار الجميع في إحدى حفلات التخرج، عندما ظهر أب وهو ينتظر ابنته ببوكيه ورد اختار لونه بعناية، في مشهد بسيط التقطته الكاميرات وانتشر على مواقع التواصل الاجتماعي، فلم يكن مجرد لقطة عابرة، بل كان تتويجًا لسنوات من الدعم والحنان والتفاصيل الصغيرة التي تصنع فارقًا كبيرًا.
حبيبة نصر، التي تخرجت منذ أيام في قسم «الجرافيك» بكلية الفنون الجميلة جامعة الإسكندرية، بتقدير جيد جدا مع مرتبة الشرف، تروي لـ«الوطن» تفاصيل المشهد الذي انتشر عبر مواقع التواصل الاجتماعي، موضحة أنها في يوم حفل تخرجها، اصطحبها والدها إلى محل الورد واشترى «بوكيه» مطابق تمامًا للون فستانها.
مشهد مؤثر في حفل التخرج
وأكملت «حبيبة» حديثها عن تفاصيل المشهد قائلة: «لما وصلنا مكان حفل التخرج كلنا وهو فضل في مكان الأهالي، واحنا كطلبة طلعونا عشان طابور العرض، وهو فاجأني إني لقيته واقف مستنيني أروحله عشان يديني البوكيه بنفسه، لأن واحنا ماشين في الطابور مكنتش شايفة حد من أهلي خالص فهو جالي عند الحته بتاعت جلوس الطلبة عشان يسلم عليا ويديني البوكية، وطول حفل التخرج هو كان كل شوية يقوم يشوفني محتاجة حاجة عاوزة مياه أو أكل، وعقبال ما يجي دوري في التكريم روحت قعدت معاهم شوية، ولما طلعت صورتي علي الشاشة واحنا صغيرين هو دمع وحضني».
@habiba.nasr49 ربنا يحفظك ليا يارب يا اجمل حاجة في الدنيا واكتر حد حبني بدون اي مقابل بحبك يابابا 🥹🩷
♬ الصوت الأصلي - 🇪🇬🧿ツشريف المصرىツ🧿🇪🇬
والدها كان يساعدها في مشاريعها
وتطرقت «حبيبة» في الحديث عن دور والدها ومشاركته في مشاريعها الدراسية الفنية: «بحكم إن هو نجار موبيليا هو كان دايما يساعدني في أي أدوات أحتاجها، وده كان من إعدادي فنون، ودايما لما يكون عندي مشروع له علاقة بالنحت والصلصال كان بيساعدني فيه، ولما دخلت جرافيك وفي مشروع له علاقة بالطباعة، كان بيفضل سهران معايا يساعدني».
