الرئيس السيسي: الأكاديمية العسكرية المصرية تقدم تعليما ورعاية وحماية للطلاب

قال الرئيس عبدالفتاح السيسي إن الأكاديمية العسكرية منبر قوي للتواصل مع كل المصريين في هذا التوقيت، مشيرًا إلى أن الأكاديمية العسكرية المصرية تقدم تعليمًا ورعاية وحماية للطلاب.

وأضاف الرئيس السيسي خلال كلمته بالأكاديمية، التي أذاعتها قناة «إكسترا نيوز»: «كمان في كلية الطب، كان مطلوب من أولاد وبنات مصر إنهم يكون ليهم فرصة التعليم هناك، وحرصنا وإصرارنا وشدتنا الهدف منها إني أحافظ على الزرعة دي، الزرعة اللي في طريقها إنها تبقى زرعة راسخة في الأرض، وكل العادات المضرة بنحاول نمنعها».

وتابع: «الناس لما طلبت إن أولادهم وبناتهم يدخلوا كلية الطب العسكري كمدنيين، ممكن يصرفوا عليهم أو حتى يسافروا بره ويلاقوا تعليم كويس، لكن هنا عندنا مش بس تعليم كويس، هنا تعليم ورعاية وحماية».

وأردف الرئيس: «احنا عندنا الرواد الرقميون هيدخلوا خلال أيام أو أسابيع قليلة جدًا، وعمرى ما هقول إننا جاهزين إلا لو قدراتنا في المنشآت اللي بنتكلم عنها تكون قادرة تحقق الهدف اللي بنعلنه».

• السيسي
• الرئيس السيسي