«مش عارفة أحرك عيني».. ملكة جمال مصر السابقة تستغيث بسبب ورم بالمخ
«مش عارفة أحرك عيني».. ملكة جمال مصر السابقة تستغيث بسبب ورم بالمخ
أعلنت الفنانة إنجي عبدالله عن استغاثتها من مرضها من خلال منشور عبر حسابها الرسمي بموقع التواصل الاجتماعي فيسبوك، كشفت خلاله معاناتها مع ورم حميد تعاني منه منذ 6 سنوات في جذع المخ، والذى أثر بشكل كبير على حركتها وإحساسها.
تفاصيل معاناة هند عبدالله مع ورم حميد بالمخ
وأوضحت هند عبدالله خلال منشورها قائلة: "عدى 6 شهور بحاول أتعالج للمرة الثانية من ورم في جذع المخ.. وهو مش سرطان، هو ورم حميد، لكن موجود في أخطر مكان في المخ.. للأسف كل الدكاترة في مصر، وبره مصر، أساتذه في مجال الأورام والمخ والأعصاب، رفضوا يعالجونى.. لإني أخدت كل جلسات الاشعاع والكيماوي المسموح ليا، وللمكان الصعب ده سنة 2019".
وتابعت ملكة جمال مصر السابقة هند عبدالله: "كنت فاكرة خلاص أنا تمام؛ لكن للأسف رجعتلى أعراض أسوأ بكتييير من زمان.. أنا فقدت الإحساس بالجنب اليمين، وصعوبة في البلع وكهربا في جسمى. كله لما بعمل أي حركه بسيطه حتى لما بحرك عينى، وفي حاجات تانية كتير.. حتى أنا رجعت للمستشفى اللي اتعالجت فيه قبل كده، بنصيحة من دكتور تامر النحاس اللى هو شخصيا رفض يعالجني.. والمستشفى طلبت منى أمضي إقرار، إني مسئوله تماما عن كل اللي ممكن يحصلى لو اتعالجت، طبعا مشيت من الخوف".
استغاثة هند عبدالله من ورم المخ
واستطرت قائلة: "دلوقت أنا مع الدكتور الوحيد اللى وافق أنه يجرب علاجات خفيفه تلطيفية لمحاوله تحسين جودة الحياه مع اننظار معجزه أنا مش بحاول اتعالج علشان متمسكة بالحياه أنا بس تعبانة جدا بقالي كتير.. وبدعى ربنا بحاجة واحدة بس.. اللهم لا نسألك رد القضاء ولكن نسألك اللطف فيه.. الشخص اللي واقف جنبي وبيساعدنى إن أعمل أبسط الحاجات اليومية اللي خلاص بقت مستحيلة إني أعملها لوحدي".
