جماهير الأهلي والزمالك يرفعون شعار «لا للتعصب» قبل انطلاق صافرة لقاء القمة
جماهير الأهلي والزمالك يرفعون شعار «لا للتعصب» قبل انطلاق صافرة لقاء القمة
قبل ساعات من بداية لقاء القمة بين الأهلي والزمالك، المقرر إقامته اليوم الاثنين في تمام الساعة 8 مساءً، على ملعب ستاد القاهرة، انطلقت حملة لنبذ التعصب بين جماهير الفريقين، إذ انتشرت العديد من المنشورات عبر مواقع التواصل الاجتماعي التي تدعو إلى التحلي بالروح الرياضية.
وكتبت إحدى الصفحات الشهيرة والمعروف بتشجيعها للزمالك: «النهارده الماتش في استاد القاهرة، ومعظم جمهور الزمالك والأهلي هيتقابلوا في الشارع والمترو، افتكروا دايمًا إننا اخوات وأصحاب، وكلنا مصريين في الأول والآخر، الماتش مجرد 90 دقيقة وهينتهي، فبلاش مناوشات.. وبلاش الحماس الزايد .. حافظوا على نفسكم وسلامة الجميع، فوق كل شيء».
ونالت المبادرة استحسان الجميع، إذ كتب أحد جماهير الزمالك: «إحنا إخوات وحبايب فعلا لأن الكورة رياضة وانتماء».
مشجع أهلاوي: الروح الرياضية أهم من المكسب
فيما كتب مشجع أهلاوي: «يا عم أنا أهلاوي وبقولك قسما بالله اللي أنت قولته ده عندي أهم من أن الأهلي يكسب.. حتي لو الزمالك كسب.. كفاية كلام جميل واعي وفاهم وعارف حجم إنها لعبة في الأول والآخر.. المهم شكلنا واحترامنا وسلامه الجميع».
وقال مشجع زملكاوي آخر: «هو ده الصح هو ده الطبيعي لأن دي كورة، ملهاش أي لازمة تخسر حد أو تسيء لحد عشانها.. دي كورة اتفرج شجع الماتش يخلص خلاص اقفل وركز في حياتك الطبيعية اللى هي أهم».
