كلمات أغنية كان ياما كان لتامر حسني.. رحلة نجوم المسرح

طرح الفنان تامر حسني، منذ ساعات قليلة، أغنيته الجديدة من كان ياما كان والتي غناها ضمن حفل افتتاح مهرجان نقابة المهن التمثيلية، ولاقت استحسان الحضور.

أغنية من كان ياما كان

أغنية «من كان ياما كان»، غناء تامر حسني وهي من كلمات الشاعر طارق علي، ألحان كريم نيازي، توزيع مؤمن ياسر، وتضمَّنت الأغنية رحلة العديد من نجوم المسرح في مصر بينهم الزعيم عادل إمام، عبدالمنعم مدبولي، فؤاد المهندس، سهير البابلي وغيرهم.

كلمات أغنية من كان ياما كان

وتقول كلمات أغنية كان ياما كان:

من كان يا مكان مسرحنا زمان

صندوق مليان بكنوز ورموز وده مش تهويل

أسماء علامات صنعوا الحكايات

وسابولنا تاريخ بكى ضحك صريخ

كدة جيل وراء جيل

يعقوب صنوع والقباني

جورج فاتحلك باب يا ريحاني

كان كش كش بيه يرمي الايفيه

جمهوره يقوله ارميه تاني

يا عزيز ولا يوم من أيامك

يوسف بيه مسرحه قدامك

كانوا صالة ولوب يسمعوا مونولوج

يخرجوا حافظين كل كلامك

يا علي يا كسار في المداري

بثلاثة جنيه ماضي وشاري

يا بديع سلم على الإبياري

وارميلنا على سمعة سلامك

ويمر زمان يجي بعديه زمان

والمسرح يفضل بيت مليان دايما سكان

زكي يا طليمات عندنا نجمات

خفة إسعاد رقة شويكار طلة شريهان

يا فؤاد هات مدبولي وقوله عادل إمام الجيل كله

وسمير لو ميت ساعة لوحده عمر الناس منه ما هيملوا

أردش وكرم عاشوا معانا ومحمد صبحي ده جوانا

ونجم وراضي بقفشاتهم يا ست سميحة يا وحشانا

آه يا ست سميحة يا وحشانا

يا سهير نادي البت سكينة

يا بدير عبد العال أثر فينا

يا سعيد قول للست أمينة رزق المسرح ناس فكرانا

وهيفضل مسرحنا بخيره

دايما ليه دوره وتأثيره

ده المسرح زي الهواء والروح

عمرنا ما نعيش يوم من غيره

• تامر حسني
• المطرب تامر حسني
• نقابة المهن التمثلية