باسم يوسف لـ«كلمة أخيرة»: أمريكا تنفق الكثير من الأموال لدعم دولة مجرمة

قال الإعلامي باسم يوسف، إنه في أمريكا لا يتم إنفاق مبالغ مالية على البنية التحتية بنفس القدر الذي يتم به الإنفاق على بلد مجرمة تخرق القانون الدولي، وللأسف أيدينا مقيدة.

وأضاف يوسف، في حواره مع الإعلامي أحمد سالم، مقدم برنامج كلمة أخيرة، عبر قناة on: «الناس عاملة زيادة على الكوميديانات، الكوميديانات مش مهمين، لكن رد الفعل عليهم هو اللي مهم، مثلا في أمريكا، المذيع الشهير جيمي كامل لما اتوقف الدنيا اتقلبت لأن الناس بتفكر وتقول لو منعوا حد يظهر بسبب النكت هيعملوا فينا ايه».

وحول ردود الأفعال على مقابلاته التي دافع فيها عن القضية الفلسطينية، قال: «هناك كثيرون يعلمون أكثر مني وضحوا أكثر مني وتعرضوا للأذى وأفنوا حياتهم في الدفاع الحقيقي عن فلسطين، وهؤلاء لم يحصلوا على جزء صغير من اهتمام الناس أو الزخم المصاحب لمقابلاتي، وهذا ليس أمرا عادلا لأني مجيش جنبهم أي حاجة في العلم والشغل والبحث على الأرض».

وأردف: «وعشان كده لو في حفلة لجمع تبرعات للقضية الفلسطينية تلاقيهم يجيبوا نجوم وممثلين عشان يجذبوا الناس، مثال أنا في أول الصيف كان في حفلة كبيرة جدًا لجمع تبرعات لحاجة اسمها "هيلث وركرز أوف بالستاين"، الأطباء اللي بيروحوا غزة».

وأوضح: «في هذه الحفلة راحوا مسرح فيه 3000 شخص، عشان يجيبوا الناس اللي تدفع فلوس جابوني أنا، وجابوا مغنيين، وجابوا ناس كوميديانات، والناس اللي رايحة رايحة بنية كويسة، رايحة تساند الناس الأطباء اللي بيروحوا فلسطين، لكن للأسف، الواقع المرير إن لو أنت عملت حفلة وجبت الدكاترة بس، ما حدش هيشتري تذكرة ولا هيتبرع».

وأردف: «هو ده العالم اللي إحنا عايشين فيه دلوقتي، للأسف ده عالم الإنفلونسرز اللي الناس عايشه فيه، تفتح محل أكل تجيب إنفلونسر، تعمل فيلم تجيب إنفلونسر، تتكلم على قضية تجيب إنفلونسر أو أراجوز».

• باسم يوسف
• إسرائيل