في أجواء مرحة وصريحة، شارك الثنائي ليلى أحمد زاهر وهشام جمال تفاصيل حياتهما بعد الزواج، حيث دار حوار عفوي كشف فيه كل طرف عن المواقف اليومية التي يمرّان بها في المنزل، من مهارات الطبخ إلى خلافات الخروج والتأخير.

بيكاتا وبسلة بـ «جودة عالية»

قال هشام جمال ضاحكًا، خلال استضافتهما في برنامج «صاحبة السعادة»، المذاع على قناة dmc، وتقدمه الإعلامية والفنانة إسعاد يونس، «آه، بقت بتطبخ! بتعمل بيكاتا ورز وبسلة تحفة، والأكل بتاعها مش بتاع واحدة لسه متجوزة.. الجودة أعلى!"

وقالت إسعاد يونس أن والدتها وجدتها كانتا «صنايعية» في المطبخ، وهذا انعكس عليها، لافتة ليلى إنها بدأت تضيف لمستها الخاصة.

لكن الأمر لم يخلُ من مواقف طريفة، خصوصًا في التحضير للخروج، يقول هشام جمال: «اتخدعت، كنت فاكر إنها دقيقة في مواعيدها زي الشغل، لكن اكتشفت إن الـ10 دقايق بتاعتها يساوي ساعة، وأنا كمان عايز 10 دقايق.. يبقى خرجنا بعد ساعة ونص».

ليلى: «أنا بنت ومحتاجة آخد وقتي»

وردت ليلى بدورها: «أنا بنت وباخد بالي من نفسي، ميك أب خفيف وشعري ولبسي.. طبيعي آخد وقت، بس هو بقى بيحسبلي تايمر! قبل ما ننزل بساعه يقولي: معاكي ساعة، ولو عدّت، أنا اتحركت بالعربية!».

وفي ختام الحوار، قالت ليلى زاهر عن هشام جمال: «هو مش متعب خالص، والله جميل وشاطر».

• صاحبة السعادة
• إسعاد يونس
• ليلى أحمد زاهر
• ليلى زاهر
• هشام جمال