قالت الفنانة ليلى أحمد زاهر إن علاقتها بزوجها الفنان هشام جمال مبنية على الصداقة قبل أي شيء، مشيرة إلى أن بينهما عشرة طويلة بدأت من العمل الفني، حيث تشاركا بطولة مسلسل من موسمين تجاوز الـ50 حلقة.

راحة وتلقائية في العلاقة

وأضافت «زاهر» خلال لقائهما في برنامج «صاحبة السعادة»، المذاع على قناة DMC، وتقدمه الإعلامية والفنانة إسعاد يونس، أن هشام رأى جميع حالاتها الطبيعية، قائلة: «كان بيشوفني في التصوير عنيا منفوخة ولسه صاحية من النوم، فمكنتش مضطرة أبان بشكل كيوت أو مثالي، هو شافني على طبيعتي».

وتابعت: «إحنا أصحاب جدًا من زمان، كنا بنتكلم في كل حاجة، ولما حبينا بعض واتجوزنا مكنش عندنا مرحلة إننا لسه بنستكشف بعض، بالعكس كنا عارفين كل التفاصيل».

حوار وصراحة مفتوحة

كما علّق هشام جمال قائلاً: «إحنا اتكلمنا كتير جدًا في كل المواضيع، حتى قبل الجواز، وكنت قاصد نفتح كل الملفات، حتى اللي فيها مشاكل أو أخطاء، مش عشان عرفناها نكمل بيها، لا، نحاول نصلحها أو نتجنبها».

وأضاف: «من أكتر الحاجات اللي مساعدانا فعلاً إننا أصدقاء قبل أي حاجة، ولو عملت أكل بفرح، ولو معملتش بنطلب من بره، ببساطة ومن غير ضغوط».

• صاحبة السعادة
• إسعاد يونس
• ليلى أحمد زاهر
• ليلى زاهر
• هشام جمال