هشام جمال: كليب «مستنيك» لحسين الجسمي تم إنتاجه بالكامل بالذكاء الاصطناعي
هشام جمال: كليب «مستنيك» لحسين الجسمي تم إنتاجه بالكامل بالذكاء الاصطناعي
كشف الفنان هشام جمال عن كواليس غير متوقعة لكليب أغنية «مستنيك» للفنان حسين الجسمي، مؤكدا أن الكليب بالكامل تم إنتاجه باستخدام الذكاء الاصطناعي بنسبة 100%، دون أن يظهر أي من الممثلين أمام الكاميرا فعليًا.
مشاركة افتراضية للممثلين
وقال «جمال» خلال لقائه في برنامج «صاحبة السعادة»، المذاع على قناة DMC مع الإعلامية والفنانة إسعاد يونس: «الكليب الأبيض والأسود اللي ظهر فيه محمد فراج وبسنت شوقي، الناس كتير متعرفش إنهم مشافوش الكاميرا أصلا، كلمتهم على التليفون وشرحت لهم الفكرة، ورحبوا جدا بالمشاركة، لكنهم كانوا في البيت، ومصوروش حاجة».
وأضاف: «الفيديو تم بالكامل باستخدام AI، وفريق العمل كان كله مصري، الفكرة كانت تجربة جديدة تمامًا، وحتى اليوم في ناس كتير مش عارفة إن الكليب مش متصور بالشكل التقليدي».
وتابع: «أنا بفكر في الموضوع بشكل أعمق، لما نوصل لجودة تقدر تخدع صناع الشغلانة، ومحدش ياخد باله، لازم نبدأ نعيد تفكيرنا في مستقبل الصناعة، الذكاء الاصطناعي مش خطر، لكنه أداة، والسؤال الحقيقي هو: هنستخدمه إزاي؟».
التقنية لا تغني عن الإنسان
وأكد أن الذكاء الاصطناعي سيساعد في تنفيذ الأفكار بسرعة وسهولة، لكنه لن يُغني عن العنصر البشري صاحب الذوق، الفهم، والإبداع، لترد عليه إسعاد يونس بدهشة قائلة: «أنا مش مصدقة».
