عمرو أديب: العالم كله أشاد بالمتحف الكبير.. ومصر تستحق أكثر من 15 مليون سائح

قال الإعلامي عمرو أديب، إنّ لديه معيارين –لا ثالث لهما- لنجاح افتتاح المتحف المصري الكبير، وهما افتتاح هذا المتحف الكبير بـ100 ألف قطعة أثرية.

وأضاف أديب، مقدم برنامج «الحكاية»، عبر قناة mbc مصر، أنّ المعيار الثاني لم يكن يريد الحديث عنه من قبل، وهو عدم حدوث حادث مرور واحد في بر مصر من الإسكندرية إلى أسوان.

وتابع: «كنت حاطط إيدي على قلبي، صحيح عندي ثقة في الأمن وفي مصر، ولكن أتحسس، وأتوجس، أقلق على بلدي إنه ممكن كان يحصل أي حاجة، فعندما مر اليوم، خلاص بقيت سعيد».

وتحدث عن بعض الانتقادات الموجهة لحفل الافتتاح، مستنكرا إياها ومؤكدًا، أن العالم كله أشاد بالافتتاح، غير أن البعض فضل انتقاد بعض التفاصيل: «يا جماعة! إشمعنى أنتم؟ يعني العالم قال مصر تفتتح المتحف بتاعها، وأنت بتقول إن المطربة العظيمة مش مصرية أوي ومعاها جنسية أوي.. إيه المشكلة؟!».

وأكد، أن ثمة فارق بين النقد والانتقاد: «إحنا ليه جايبين موس وقاعدين نقطع في وشنا وفي بلدنا؟ شفت المتحف من جوه شكله عامل إزاي؟ وتوت عنخ آمون عامل إزاي؟ والرؤساء والزعماء وهم قاعدين بيبصوا للآثار بتاعتك والحاجات بتاعتك؟ شفت الدعاية المجانية اللي اتعملت لك؟ ناس تانية تقول لك إيه؟ عمرو بيقول إن ده هيجيب دخله، آه عمرو بيقول إن ده هيجيب دخله لو استغلينا هذا الأمر وعملنا، وقلت إن مصر تستحق أكثر من 15 مليون سائح، ويجب أن نستهدف 40 مليون سائح، ولازم نكبر مطاراتنا ولازم نكبر فنادقنا. أنتوا ليه يا جماعة لما الدنيا تمشي كويس برضه عايز تولع فيها؟ للأسف كل واحد بقى خبير».

• عمرو أديب
• المتحف المصري الكبير
• افتتاح المتحف المصري الكبير