عرض مبهر للأيقونة شريهان في الحفل العالمي لافتتاح المتحف المصري الكبير

وقالت شريهان: «أجدادنا لما بنوا الأهرامات، سابوا لنا ألغاز كتير لدرجة إن خيال كتير من العلماء وصلهم لنظرية عجيبة بتقول إن نجوم أوريون في السماء اتجمعت ورا بعضها بنفس ترتيب الأهرامات».

وأضافت أنّ المصري القديم رسم صورة السماء لأنه آمن بأن الكون ميزان بكفتين، ليل ونهار، موت وحياة، إيزيس وأوزوريس أجمل وأعظم قصة حب في الوجود».

المصري القديم اكتشف ولاحظ نجوم أوريون

وذكرت أنّ المصري القديم اكتشف ولاحظ نجوم أوريون، رمز أوزوريس، جنبها بتدور نجمة سايروس، رمز الحبيبة إيزيس: «وإيزيس لما بتقابل أوزوريس في الفضاء بتحصل رقصة حب، والنيل بيفيض على أرضنا».

وتابعت: «بنفس الروح اللي حركت النيل، وبنفس الإيد اللي خلقت الحضارة، بنينا المتحف المصري الكبير.. امتداد لحسابات المصري القديم على خط واحد مع خوفو وخفرع ومنقرع، سطحه يعكس نور الشمس وضي القمر».

شريهان تعرب عن فخرها بالانتماء لمصر

وواصلت: «مصرية، وأفتخر بانتمائي لأقدم شعب وأول حضارة وأول جيش نظامي على وجه الأرض، وأول دولة في العالم لها تاريخ مكتوب، ومحظوظ اللي اتولد في بلد الفن فيها متأصل، ومنحوت على الجدران، بيجري في عروقي وعروق كل مصري من آلاف السنين».