أبرز تصريحات سميرة أحمد مع محمود سعد في برنامج «باب الخلق» على النهار
أبرز تصريحات سميرة أحمد مع محمود سعد في برنامج «باب الخلق» على النهار
طلت النجمة سميرة أحمد ضيفة في برنامج باب الخلق المذاع على فضائية النهار، وروت الكثير من الكواليس عن حياتها، من بينها أنها من أصل صعيدي وتحديدًا محافظة أسيوط، إذ كان والدها يأتي إلى القاهرة، وكان كريمًا لأقصى درجة، ففي حال شرائه الفاكهة يحرص على توزيعها على كل من يقابله.
أبرز تصريحات سميرة أحمد في برنامج «باب الخلق» للإعلامي محمود سعد
كان تعب والدها واحدًا من المواقف الصعبة في حياتها، إذ بات راتب والدها غير موجود، مما جعلها تفكر في العمل من أجل المساعدة في مصاريف البيت:«كنت أنا وخيرية أختي غاويين تمثيل جدًا، فكنا بنقعد نمثل على السلم، ونقلد الأراجوز وحاجات كتير كده كنا بنعملها من حبنا في التمثيل».
تابعت «سميرة»:«ماكناش بنروح سينما ولا مسرح بس كنا بنشوف الأراجوز، بس احنا غاويين تمثيل، كانت البداية إننا رُحنا شارع عماد الدين أنا وخيرية، وابتدا المشوار، عملنا كل حاجة، مش بس أدوار صامتة لكن مجاميع كمان، وفي مرة قالولي تعرفي تقولي الجملة دي، قولتلهم آه وأنا ما كنتش عارفة هعرف ولا لأ، كنت بحاول».
سميرة أحمد: أختي كانت بتشتغل خياطة
لم تكن خيرية وسميرة أحمد هما الوحيدتين اللتين فكرنا في مساعدة والدهم في هذه المحنة، أختهم الكبرى «نوال» كانت تعمل في مجال الخياطة:«في مرة أخدت فستانها علشان أقابل بيه الأستاذ حسن الإمام، كان في فيلم اليتيمتين باين، فدخلت علشان أشوفه، فقالولي انت ممكن تكوني معانا وتعملي مشهد وتتكلمي، وكنت ببيع اليانصيب فمسك فستان أختي وقصه من الكم علشان يبان إنه مترقع، وفضلت أعيط ولما رجعت لأختي قلت لها لما أقبض هدفعلك تمنه، ووقتها اتقبلت في الدور وخدت جنيه ونص أو اتنين جنيه مش فاكرة».
وفاة السندريلا سعاد حسني
ومن ضمن الأمور التي تحدثت بشأنها الفنانة سميرة أحمد وفاة السندريلا سعاد حسني، التي قالت عنها في هذا اللقاء:«أول ما شفت جثمان سعاد حسني قلت وقتها إخص عليكي يا زوزو، ولما بصيت ورايا لقيت نادية يسري وقلت لها سعاد رمت نفسها إزاي؟ لقيتها زعقت فيا وقالت لي مش هقولك، ومن ساعتها قلت الست دي هي اللي قتلت سعاد».
