ياسر جلال يعتذر عن تصريحاته بشأن الجزائر: آسف وحقكم عليا.. كان قصدي نقرب من بعض
ياسر جلال يعتذر عن تصريحاته بشأن الجزائر: آسف وحقكم عليا.. كان قصدي نقرب من بعض
اعتذر الفنان ياسر جلال عن الجدل الذي أثير مؤخرا عقب تصريحات أدلى بها على هامش تكريمه في مهرجان وهران الدولي للفيلم بالجزائر، تحدّث خلالها عن إرسال الجزائر قوات صاعقة إلى مصر عقب حرب 1967.
ياسر جلال يعتذر عن تصريحاته الأخيرة
وقال ياسر جلال في فيديو بثه عبر حساباته الرسمية على منصات التواصل الاجتماعي: «بسم الله الرحمن الرحيم، نهاركم سعيد، أنا من كام يوم كنت بتكرم في مهرجان وهران بالجزائر، وقولت وأنا بتكرم قولت إن والدي حكالي زمان إن كان في إشاعة إن بعد حرب 67 إسرائيل هتنزل في ميدان التحرير وتعمل عمليات تخريبية، وقولت إن الجزائر بعتت قوات صاعقة عشان تحمي المصريين».
وأضاف: «طبعا والدي اللي حكالي الموضوع ده، واحنا في الفترة دي بعد حرب 67 كان في شائعات كتيرة، كلام بيتقال من هنا وهنا، ووارد يكون والدي اختلط عليه الأمر، وهو الموضوع مكانش دقيق بالنسبة له، فهو حكالي الموضوع ده»
وتابع: «امبارح بعد ما شوفت على الفضائيات السادة المحترمين المتخصصين قالوا إن المعلومة دي خطأ، فأنا بعتذر عن الكلام اللي قولته، وربنا سبحانه وتعالى أعلم بنيتي».
ياسر جلال يوضح سبب تصريحاته
وأتمّ تصريحاته: «أنا كان قصدي نقرب من بعض، أنا فنان والفنان ده بيبقى زي سفير لبلده، كان قصدي أقرب مشاعر مصر والجزائر، لكن أنا بعتذر من الناس اللي اتضايقت من التصريحات بتاعتي، وأنا فخور إني مصري، وحقكم عليا… آسف».
