مخرج «كارثة طبيعية» يشيد بالمؤلف أحمد عاطف فياض: «عبقري»
مخرج «كارثة طبيعية» يشيد بالمؤلف أحمد عاطف فياض: «عبقري»
قال حسام حامد، مخرج مسلسل كارثة طبيعية للنجم محمد سلام، إن البطل الحقيقي في أي عمل من وجهة نظره هو السيناريو، لأن في حالة امتلاك المخرج لسيناريو حقيقي، سيضع تركيزه الكامل في الصورة وفي توجيه الممثل وفي بعض التفاصيل فقط.
وأضاف عبر تدوينة نشرها على «فيسبوك»، مرفقة بصورة مع مؤلف المسلسل أحمد عاطف فياض قال فيها: «كل تعبك في الصورة، وفي الممثلين، وفي التفاصيل، عمره ما يروح هباء، القصة القوية دايمًا هي اللي بتخلي كل حاجة بعدها تبان صح، وأصعب لحظة كانت هي مرحلة اختيار السيناريو، لأنها اللحظة اللي بتقرر فيها، هتظهر شغلك وشغفك للناس بإيه».
وقال: «من سنة 2018 وأنا بدوّر على سيناريو يكون أول خطوة ليا في الدراما، قريت سيناريوهات كتير، وكان فيه حاجات حلوة فعلًا، بس عشان ماعملتش دراما قبل كده، الثقة من المنتجين كانت معدومة، لحد ما القدَر جمعني بالكاتب أحمد عاطف فياض، والمنتج عبدالله منصور داخل Watch It».
وأكمل تدوينته: «أحمد حكالي حكاية كارثة طبيعية، وبعتلي أول الحلقات، ومن أول صفحة، حسّيت بنفس الحماس اللي بيحسّه طفل، وهو لسه مكتشف لعبة جديدة ومُبهرة، والحق يُقال أحمد كاتب عبقري بجد، مش ادّعاء، كل جملة محسوبة، كل موقف ليه معنى ووزن، شخصياته حقيقية، بتتنفّس، وبتسهّل على المخرج إنه يلاقيها ويبرزها، ذكي، متعاون، وبيسمع كويس جدًا، وأنا متأكد إنه لسه هيكتب أكتر، وهيبهرنا أكتر، أنا فعلاً محظوظ إن أول عمل درامي ليا، كان مع كاتب عبقري وصديق جميل، اسمه الدكتور أحمد عاطف فياض».
