صفية العمري: الفن مسؤولية وتاريخ.. والمرأة القوية تلهمني دائمًا
صفية العمري: الفن مسؤولية وتاريخ.. والمرأة القوية تلهمني دائمًا
قالت الفنانة صفية العمري إنها تحرص دائما على حضور مهرجان القاهرة السينمائي الدولي، مؤكدة أن المهرجان يمثل قيمة خاصة لكل فنان مصري وعربي.
وقالت العمري على هامش افتتاح مهرجان القاهرة السينمائي الدولي، وتعرضه قناة DMC: «ده مهرجان القاهرة، مهرجان بلدنا مصر، فمش ممكن أتأخر عنه أبداً، لأنه مهرجان فنانينا وفنانين العالم العربي».
شغف بأدوار المرأة القوية
وعن اختياراتها الفنية، أوضحت العمري أنها تميل إلى تقديم شخصية المرأة القوية في أعمالها، رغم أن شخصيتها الحقيقية مختلفة تماماً: «أنا في حياتي إنسانة هادئة جداً، مش قوية بالشكل اللي بيشوفه الناس على الشاشة، يمكن علشان كده بحب أقدم الأدوار القوية لأنها بتخليني أفرغ طاقة جوايا نفسي أكون فيها، بحب النوع ده من الأدوار وبيكون ناجح الحمد لله».
وردت العمري على من يظنون أن نجاحها في أدوار المرأة القوية يعكس شخصيتها الحقيقية قائلة: «مش كل فنان بيقدم دور ناجح يبقى هو نفس الشخصية، بالعكس ممكن يكون مختلف تماماً، لكن نجاحه في الدور دليل على صدقه وإتقانه».
غياب مؤقت ورسالة للشباب
وعن غيابها عن الشاشة في الفترة الأخيرة، قالت: «انتوا وحشتوني جداً، والشاشة كمان وحشاني، لكن اللي وحشني فعلاً هو الأدوار اللي تليق بيا وتكون مناسبة ليّ».
ووجّهت صفية العمري نصيحة لجيل الشباب من الفنانين والفنانات، قائلة: «الفن مش شهرة ولا ترند، الفن مسؤولية وتاريخ، لازم الفنان ياخد الفن باحترام وبمذاكرة وتركيز، علشان يقدر يسيب بصمة حقيقية، لأن الفنان اللي يسيب بصمته يبقى نجح خلاص».
