المخرج محمد عبد العزيز يروي ذكريات تصوير «عالم عيال عيال».. ماذا حدث مع سمير غانم؟
المخرج محمد عبد العزيز يروي ذكريات تصوير «عالم عيال عيال».. ماذا حدث مع سمير غانم؟
روى المخرج محمد عبد العزيز كواليس طريفة من تصوير فيلمه الشهير «عالم عيال عيال»، مؤكدًا أن الفنان الراحل سمير غانم لم يكن متحمسًا في البداية للمشاركة في الفيلم، قبل أن يغيِّر رأيه بعد أول يوم تصوير، حين لمس بنفسه روح الكوميديا المختلفة التي ميَّزت العمل.
مهرجان القاهرة السينمائي
وقال «عبد العزيز» خلال ندوته في مهرجان القاهرة السينمائي الدولي في دورته الـ46: «سمير غانم ماكانش عايز يعمل فيلم عالم عيال عيال، رُحت له بنفسي، وقال لي بلاش الفيلم ده يا أستاذ محمد.. قلت له: لأ، هتعمل المشهد ده وبس، وتعالى شوف بنفسك».
وتابع: «يوم التصوير جه سمير وجهزنا الكاميرا، والمشهد كان بسيط جدًا: الباب يخبط والعيال يجروا وراه.. أول ما الكاميرا اشتغلت رشدي أباظة وقع من الضحك.. المشهد كان تلقائي وطبيعي جدًا، والكوميديا خرجت من الموقف نفسه».
تعليق سمير غانم بعد عرض الفيلم
وأضاف: «بعد كده لما الفيلم اتعرض في السينما والناس كانت بتضحك على المواقف، سمير بص ليا وقال: مش ده السيناريو اللي قريته، وكان يقصد إن الإفيهات والضحك طلعوا من التفاصيل البسيطة اللي حصلت أثناء التصوير مش من الورق».
واختتم محمد عبد العزيز حديثه قائلًا: «سمير غانم كان عبقري كوميديا بالفطرة، ومجرد وجوده قدام الكاميرا كان بيخلق حالة من البهجة والضحك، و(عالم عيال عيال) واحد من أكتر الأفلام اللي بحبها لأنها بتعبر عن العيلة والمشاعر بخفة دم طبيعية».
