منذ عرض الحلقة الأولى من مسلسل كارثة طبيعية، للفنان محمد سلام، على منصة watch it، وحقق العمل حالة واسعة من النجاح، خاصة إنه توليفة مختلفة من الكوميديا السوداء، إذ يعاني «محمد» بطل العمل، متوسط الحال، من المسؤولية المفاجئة بعدما أنجبت زوجته 7 توائم مرة واحدة، وهو ما حوَّل فرحة الأب الاعتيادية بالمولود، لحالة من الصدمة يتخللها حسابات مادية ومعنوية حول التكفل بالأطفال، فضلًا عن حالة الأم الصحية والنفسية.

مؤلف العمل يكشف القصة الحقيقية وراء كارثة طبيعية

من المنوفية، لكفر الشيخ، وغيرها من محافظات مصر، شهدت العديد من الولادات التي وضعت فيها الأمهات أكثر من 5 توائم في بطن واحدة، كانت بداية تفكير أحمد عاطف، مؤلف العمل، وكيف نظر للأمر بعين الشفقة أكثر من الكوميديا، مؤكدًا أن القصة ليست من وحي الخيال، ولكنها قصة واقعية وحقيقية.

وشارك المؤلف أحمد عاطف عدة لقطات مصورة تكشف عن تعرض بعض السيدات لهذا الأمر، رغم ندرته، قائلًا: «ناس كتير بتسألني فكرة مسلسل كارثة طبيعية جت في دماغك ازاي وإمتى وناس تانية مستغربين الفكرة أو فاكرينها فانتازيا».

وأوضح مؤلف مسلسل كارثة طبيعية، إنه بدأ في تحضيرها قبل أولى أعماله، مسلسل (بالطو) الشهير: «الفكرة دي كانت عندي من قبل ما أكتب مسلسل بالطو وجاتلي الفكرة لما شوفت خبر بالصدفة على إحدى الصحف الإلكترونية عن ولادة سيدة شابة لخمس توائم في إحدى المحافظات، ولفت نظري الصورة اللي محطوطة في الخبر للأب والأم وهما شايلين الأطفال».

وتابع «عاطف»: «حسيت وش الأب والأم في الصورة كأنه معجز جداً مع إنهم شباب، مفيش فرحة على وشهم (تقريبا نفس وش محمد سلام في نهاية الحلقة التالتة وهو شايل الأطفال ومصدوم)».

واستطرد في حديثه: «استغربت كمان لما لقيت الكومنتات على الخبر ده كلها ناس مبهورة من العدد وعمالين يهزروا ويقولوا في الكومنتات إيفيهات زي إيفيهات موظف السجل المدني في المسلسل، ومفيش أي حد حتى دعا للأب والام ربنا يقويهم على الأقل، لأ ده فيه ناس كانت كاتبة في الكومنتات حاولوا تعملولهم حجاب عشان مايتحسدوش، اللي هو كمان الناس هتحسدهم، فحسيت إن الناس مش حاسة خالص بيهم أو بالمشاكل اللي هتقابلهم بسبب العدد الكبير ده من الأطفال اللي اتفاجئوا بيه مرة واحدة».

وواصل تابعا: «ومن هنا الفكرة نورت في دماغي بدأت أعمل سيرش عن الموضوع أكتر لقيت التوائم المتعددة دي حالة نادرة بس بتحصل كتير، تقريبا في كل محافظة في مصر فيه محمد وشروق، ومحدش فينا حاسس بيهم ولا بوجودهم ولا بالمشاكل اللى بيمروا بيها، فيه محمد وشروق في الغربية ومحمد وشروق في بنى سويف وكفر الشيخ و البحر الأحمر وكل المحافظات، هتلاقوا حالات كتير جداً في كل حتة تقريباً وسطنا».

شعور بالفرح يسيطر على المؤلف بعد نجاح العمل: «مبسوط جداً إن الناس بدأت تحس بمحمد وشروق في المسلسل ومتعاطفين معاهم وأتمنى كل الناس يتعاطفوا برضه مع الحالات اللي زيهم في الحقيقة ومش شرط الحالات اللي زيهم يكونوا ناس خلفوا خمسة ولا سبعة أو ناس خلفوا أصلاً لا ممكن محمد وشروق يكونوا مرضى أو منكوبين أو حصلهم مشكلة كبيرة خارجة عن إرادتهم شقلبت حياتهم وضغطتهم ومحتاجين مساعدة واهتمام مننا كمجتمع ولو مش هنساعدهم على الأقل نحس بيهم وبظروفهم».

كيف تحدث هذه الحالات النادرة؟

وأوضحت الدكتور هدير عصام، أخصائي نساء وتوليد، لـ«الوطن»، أن ما حدث في مسلسل كارثة طبيعية يحدث بالفعل في الواقع في حالات نادرة، بسبب الحقن المجهري والمنشطات.

• كارثة طبيعية
• مسلسل كارثة طبيعية
• قصة مسلسل كارثة طبيعية