مجدي يعقوب لـ محمد صلاح: شباب أسوان يلهمونني.. والكفاءات المصرية كنز يحتاج إلى فرصة

تحدث الدكتور مجدي يعقوب، عن أكثر الأمور التي يحب القيام بها، مشيرًا إلى أن أسوان تحتل مكانة خاصة في قلبه، إذ قال: «أحب أروح أسوان؛ لأن المركز هناك يشجعني جدًا، أشوف الأبحاث اللي بيقدمها الشباب بطريقة رائعة، وبينفذوا الحاجات اللي بعلّمها لهم بشكل أفضل مني، وبيطلعوا 100 ورقة بحثية في السنة.. وده من أجمل الحاجات اللي بتسعدني».

وحل السير مجدي يعقوب ضيفا في برنامج خاص على قناة أون سبورت رفقة محمد صلاح قائد منتخب مصر ونجم ليفربول الإنجليزي.

وأضاف يعقوب: «أحيانًا أبقى في القاهرة لأنني أعمل على إنشاء مركز جديد بجوار الأهرامات، أكثر ما يشجعني في مصر هو الكفاءات الموجودة منذ أيام قدماء المصريين ولسه مستمرة، لازم ندي الناس الفرصة؛ الكفاءات موجودة فعلًا، وعلينا تطويرها عشان يوصلوا للي عايزينه.. والبلد محتجاهم».

ووجّه يعقوب نصيحة للأجيال الجديدة، قائلًا: «نصيحتي للجيل الحالي أن يكون عنده حب للي بيعمله.. ويختار حاجة هو أو هي عايزين يعملوها. لازم الإنسان يختار طريقه وبعدين يحبّه، ويصحى كل يوم عنده شغف يروّح لـ«الحب بتاعه»، لازم يكون عندهم مثابرة؛ لأن الأمور لا تأتي بسهولة، ولازم يكون عندهم إيمان بنفسهم وما يسمعوش كلام اللي حواليهم».

• مجدي يعقوب
• محمد صلاح