مصريون يتسابقون لإنقاذ «منال» من فشل الرئة.. جمعوا 13.5 مليون جنيه لإعادتها إلى الحياة
مصريون يتسابقون لإنقاذ «منال» من فشل الرئة.. جمعوا 13.5 مليون جنيه لإعادتها إلى الحياة
حملة إنسانية جديدة تؤكد المعدن الأصيل للمصريين، دشّنتها أسرة السيدة منال محمد، التي ترقد فوق أسرّة أحد المستشفيات وجهاز التنفس الصناعي لا يفارقها، في انتظار إجراء زراعة رئة تعيدها إلى الحياة، لكن التكلفة تفوق طاقة الأسرة، بعد أن قدّر الأطباء التكلفة بـ14 مليون جنيه مصري.
ماراثون خيري لإنقاذ «منال»
الحملة جمعت حتى أمس 13 مليونا و500 ألف جنيه، في تجسيد على سباق الجميع للمشاركة في ماراثون الخير، وإعادة منال إلى الحياة، ومن هؤلاء البلوجر إسلام فوزي، الذي نشر صورة لـ«منال» ودعا جمهوره للتبرع لها.
«نداء إنساني لإنقاذ حياة أم، عارفين لما بيكون في حالة فعلا تستاهل كل جنيه تطلعوه؟، الموضوع ده مهم جدًا جدًا».. بهذه الجملة دعا إسلام فوزي متابعيه لدعم السيدة منال، مضيفا: «خلونا نحكي بسرعة، في أمّ من أمهاتنا اسمها الحاجة منال، من الناس اللي علمت وخرجت أجيال، بس دلوقتي ربنا ابتلاها بفشل رئوي وحاليًا عايشة على أجهزة التنفس طول الوقت، ولما النور بيقطع بتكون مشكلة حقيقية جدًا».
جمع 13 مليون و500 ألف جنيه
الحل الوحيد لإنقاذ السيدة منال «زراعة رئتين» في مستشفى كليفلاند بالعاصمة الإماراتية أبو ظبي، وتكلفتها 14 مليون جنيهًا، وأوضح فوزي: «لحد امبارح جمعنا جزء كبير جدا من المبلغ، فاضل نصف مليون جنيه والمبلغ يكتمل».
فوزي أكد أنّ الحالة مرخصة رسميًا من وزارة التضامن الاجتماعي، والتبرعات كلها ستذهب إلى المستشفى مباشرة: «الوزارة هي اللي بتحول بنفسها، كل اللي عليك افتح إنستا باي دلوقتي، وشوف تقدر تطلع كام لله حتى لو 100 جنيه والله بتفرق جدًا، خلينا نكون سبب إن ربنا يشفيها، وخلينا نثبت إن الخير فينا لسه موجود».
