حمدي بتشان بعد تعرض نجله لحادث: «أحمد بخير والخسائر كلها في السيارة»
حمدي بتشان بعد تعرض نجله لحادث: «أحمد بخير والخسائر كلها في السيارة»
طمأن المطرب حمدي بتشان جمهور نجله الفنان أحمد بتشان، عن حالته الصحية بعد تعرضه لحادث سير منذ قليل بمحافظة الجيزة.
حمدي بتشان: أحمد بخير
وقال حمدي بتشان في تصريحات لـ«الوطن»: «الحمد لله أحمد بخير وكل الصدمة جاءت في السيارة، والحادث حصل أثناء رجوعه من إحدى حفلاته على طريق الرماية، وكان داخل على حدايق الأهرام، صدمه تاكسي، والحمدلله هو كويس».
أحمد بتشان يكشف تفاصيل الحادث
وكشف أحمد بتشان عبر حسابه على «فيسبوك»، عن تعرضة لحادث سير، قائلا: «يمكن دي أول مرة أتكلم في حاجة زي دي، ودي مش أول مرة، بس حقيقي مبقتش فاهم في إيه، يعني كل لما أبقى مبسوط شوية وتحصل حاجة كويسة في حياتي، سواء نزول أغنية أو احتفال بعيد ميلادي أو أي مناسبة لازم يحصلي حاجة بعدها، والحمدلله اللي ربنا بيقدرني عليه بعمله ومن غير تفكير، ومن غير ما أتكلم على حاجة زي دي، عشان دي حاجة بيني وبين ربنا».
وأضاف «بتشان» في منشوره: «الحمدلله ربنا نجاني وأنا الحمدلله كويس والحمدلله أنها جت في الحديد، وأنه سترها معايا وربنا يحفظ الجميع ويبعد عننا أي شر، والحمدلله على كل شيء وأنا راضي جدا بكل حاجة بتحصلي، وده أكيد كرم من ربنا عليا عشان كان ممكن يحصلي حاجة أكبر من كده».
