شيرين رضا: اتفقت أنا وعمرو دياب إن بنتنا نور تعتمد على نفسها

تحدثت الفنانة شيرين رضا عن علاقتها بابنتها نور، خلال استضافتها في أحد البرامج التليفزيونية، كاشفة عن تجربتها في الأمومة وكيفية تربيتها لها منذ الصغر.

شيرين رضا تكشف تفاصيل علاقتها بابنتها

وقالت شيرين رضا: «خلفت نور وأنا عندي 21 سنة، وكبرت معاها وعرفت يعني إيه إنسانة مسؤولة منك وحياتها كلها متوقفة عليكي، وأنا مكانش في حساباتي إني أبقى أم أو أتجوز».

وأضافت أنّ تربية نور كانت نتاج اتفاق مشترك بينها وبين والدها الفنان عمرو دياب: «اتفقنا نخليها تعتمد على نفسها، صرفنا عليها لحد ما دخلت الجامعة وخلصت، وهي اشتغلت واعتمدت على نفسها عشان متبقاش متدلعة وتعرف قيمة الفلوس، وفي الآخر لما نتوفى فلوسنا كلها هتروح ليها».

وخلال الحلقة، تطرقت شيرين رضا إلى رؤيتها للعلاقات والزواج: «الحب بالنسبة ليا بيخلص بعد الجواز، ومبيفضلش على حاله أبدا، واللي بيبقى بين الزوجين الصداقة والعِشرة الطيبة بعد الانفصال».

كما تحدثت عن تجاربها العاطفية السابقة، قائلة: «اتخدعت كتير، ومبحبش أحط حد في اختبارات قبل ما أديله ثقتي، وببدأ علاقاتي كلها من الزيرو».

• عمرو دياب
• شيرين رضا
• نور عمرو دياب