رامي جمال يكشف سبب تسمية الألبوم الجديد بـ«مطر ودموع»
رامي جمال يكشف سبب تسمية الألبوم الجديد بـ«مطر ودموع»
كشف المطرب رامي جمال خلال فيديو عبر ستوري حسابه على موقع تبادل الفيديوهات والصور «إنستجرام»، عن سبب تسمية ألبومه الجديد «مطر ودموع» بهذا الاسم.
وقال رامي جمال، خلال الفيديو: «جاءتني تساؤلات كتير من الجمهور أين أغنية مطر ودموع في الألبوم، اخترت هذا الاسم ليوصف حالة الألبوم فقط، لكن لو حابين أغنية بهذا الاسم ممكن أفكر أعملها».
أغنية كاس الحظ
وأعلن المطرب رامي جمال طرح ألبوم مطر ودموع، مشيرا إلى أنّ أقرب الأغاني لقلبه هي أغنية كاس الحظ، والتي توصف مشواره وحياته، وهي من كلمات محمود فاروق، وألحان رامي جمال، وتوزيع كريم عبدالوهاب، وتقول كلماتها:
لسه كاس الحظ فاضي
لسه دمعي لا إرادي
ألف محنه بس عمري
يوم ما ابديت اعتراضي
لسه بكتم همي واضحك
هات يا وجع القلب اخرك
يا زمان وريني نفسك
جتها راضي وهامشي راضي
لسه يوميا بحاول
إني اعدل أي مايل
طب ما ياما الحظ جامل
ليه مانولنيش مُرادي
لسه بجري رغم تعبي
وانجرح لكن بخبي
وأعترف دايما لقلبي
أحلى ما في العمر ماضي
لسه عايش ع البواقي
لسه برده البُعد دائي
لسه مش قادر ألاقي
غير ليالي زمان قصادي
لسه نومي خفيف ولسه
مش بيقدر قلبي ينسى
الف ذكرى والف قصة
ساكنه قلبي بالتراضي
لسه يوميا بحاول
إني اعدل أي مايل
طب ما ياما الحظ جامل
ليه مانولنيش مُرادي
لسه بجري رغم تعبي
وانجرح لكن بخبي
وأعترف دايما لقلبي
أحلى ما في العمر ماضي
