«البوست اختفى».. أزمة حذف منشورات أحمد السقا تتكرر بعد الدفاع عن محمد صلاح
«البوست اختفى».. أزمة حذف منشورات أحمد السقا تتكرر بعد الدفاع عن محمد صلاح
أثار الفنان أحمد السقا، حالة واسعة من الجدل بعدما اختفى منشور له على صفحته الرسمية بـ«فيس بوك»، يتضمن فيديو هاجم فيه إدارة نادي ليفربول الإنجليزي، بسبب أزمة النجم المصري محمد صلاح، وأكد السقا أنه لم يحذف المنشور لكنه تفاجأ باختفائه: «واضح إني دخلت في منطقة مش بتاعتي، ومع ذلك كل التوفيق للنجوم العرب في الدوري الإنجليزي، وأخص بالذكر كابتن محمد صلاح (coach).. الكلمة اللي زعلتهم».
حذف منشورات السقا.. أزمة متكررة
وانقسم الجمهور حول سبب حذف فيديو الفنان أحمد السقا، وذهب البعض إلى أن وراءه نادي ليفربول، لكن آخرون أكدوا أن السقا تراجع، خاصة مع تكرار حذف منشورات من صفحته بعدما تتسبب في أزمة.
أزمة منشور أحمد السقا مع طليقته
وفي وقت سابق، كتب أحمد السقا عبر «فيس بوك» عقب انفصاله عن مها الصغير: «عشان الناس اللي بتسأل، أنا والسيدة مها محمد عبد المنعم منفصلين منذ 6 أشهر، وتم الطلاق منذ شهرين تقريبًا، وأعيش حاليًا لأولادي وعملي وأصدقائي المقرّبين، وأمي وأختي، وكل تمنياتي لأم أولادي بالتوفيق والستر، مش عايز رغي في الموضوع ده، رجاءً، سبحان مقلب القلوب ومبدلها، أمنياتي لها بالسعادة والنجاح في قرارها وحياتها اللي فوجئت بها مثلكم، ربنا يسعدها في حياتها المستقبلية».
لكنه سرعان ما حذف المنشور بعد تعرضه لموجه من الانتقادات ونفى في تصريحات تلفزيونية أنه هو من كتب المنشور: «أولًا الكلام اللي في البوست مش لغتي ولا طريقة كلامي، وبعدها فتحت الصفحة وملقتش البوست، وكلمت أختي تدخل تشوف الموضوع، اكتشفنا إن في 4 أشخاص بيعملوا لوج إن كإنهم أدمن على الصفحة وهما مش تبعنا، بيدخلوا يكتبوا البوست ويسيبوه شوية وفي الآخر يتمسح ويخرجوا من الصفحة، أنا معنديش ضغينة لأي حد، ولو أم ياسين احتاجتني دلوقتي هكون أول واحد جنبها ومش هتردد، لأنها إنسانة طيبة جدا، ومقدرش أتحمل لو حد في يوم من الأيام زعلها لأي سبب».
أزمة منشور المسيح
ولم تكن هذه الواقعة الوحيدة للفنان أحمد السقا، إذ سبقها منشور غامض عن السيد المسيح قال فيه «مفيش حد المسيح ومفيش رسول غير محمد عليه السلام اختلفوا عليه عادي وأنا تمام راضي، بس رجاءً بلا إهانات ولا تجريح، النبي واحد ومفيش حد المسيح» ثم كتب منشورا آخر بعد حذف البوست المثير للجدل: «صباح الفل جمعة مباركة وكلها رزق وخير على الجميع، للتوضيح الصفحه لم يتم سرقتها ولكن واحد من الشباب اللي معايا على الصفحة أدمن كتب كلمتين بالغلط ونزلوا على صفحتي العامه بدل ما ينزلهم عنده، وتم مسح البوست وبتحصل عادي».
