محمد رمضان عن وفاة والده: «منهرتش.. معرفش ليه»
محمد رمضان عن وفاة والده: «منهرتش.. معرفش ليه»
ظهر الفنان محمد رمضان ضيفًا في أحد البرامج بموقع «يوتيوب» متحدثا عن العديد من الأمور الخاصة بمشواره الفني وحياته الشخصية، وكان من بينها رحيل والده الذي تعرض له مؤخرًا.
وقال الفنان محمد رمضان إنه قبل رحيل والده، كان يتخيل أحيانًا أثناء وجوده في سيارته أن والده ووالدته سيتوفّيان، وهذا طبيعي لأنه جزء من سنة الحياة.
وأضاف أنه عندما تراودته هذه الأفكار كان ينهار بالبكاء، لكنه فوجئ بأنه لم ينهار عندما رحل والده بالفعل، قائلا: «أنا معرفش بقى هل هو دعا لي قبل ما يتوفى، إن ربنا يلهمني الصبر والسلوان لأن أنا نزل عليا حالة غير طبيعية، أعتقد دا اللي بنتمناه لأصدقائنا لم يتوفى لهم غالي بنقول له ربنا يلهمك الصبر والسلوان».
وتابع «رمضان»: «مكنتش أعرف يعني إيه الصبر والسلوان، ولكن أنا حسيت لدرجة إن أول مرة أشوف أخويا الكبير بيبكي، وأنا في الحالة دى وعايز أقول لأمي أنا عندي حالة دلوقتي جديدة، فلما شوفت أخويا بيبكي قولتله أنت مبتحبش أبوك وهو بيعيط فاستغرب، قولتله محمود أبوك اتوفى 77 سنة، أبوك حالا وأنا قاعد معاك بعد متوفى عنده 30 سنة، الخشونة اللى كانت فى ركبته راحت، دلوقتي هو أحلى وشاب، وأبوك اتوفى وأمه بتولده مشافهاش أبوك دلوقتي مع أمه».
وكشف محمد رمضان أنه ذهب لزيارة والده فى المقابر بعد رحيله، وفي هذه اللحظة شعر براحة كبيرة: «حسيت إن إحنا اللي صعبانين عليه إن احنا فى اللعب الصعبة اللى اسمها الحياة».
