نشر الفنان أحمد عبدالحميد، صورة تجمعه بوالده الراحل الماكيير محمد عبدالحميد، إذ كر أنها من آخر عيد ميلاد له، ناعيًا إياه بكلمات مؤثرة وذلك عبر حسابه الشخصي على موقع التواصل الاجتماعي فيس بوك.

وعلّق أحمد عبدالحميد، على الصورة التي تجمعه بوالده الراحل بقوله: «الصورة من آخر عيد ميلاد ليك، وأنا بتصورها معاك كان قلبي بيقولي ده آخر عيد ميلاد وآخر مرة هقدر أفرحك، بس ولا أنا ولا إنت كنا عارفين إن فرحك جاي وإن ربنا هيرزقك البداية الأبدية فىيجنته إن شاء الله بوجه مستبشر كده زى ما كل اللي ودعك شافه»

كلمات مؤثرة في نعي محمد عبدالحميد

واستطرد أحمد عبدالحميد حديثه عن والده بكلمات مؤثرة قائلًا: «كنت آخر سنين تقولي أنا اتنسيت خلاص يا أحمد ولما أقولك فلان بيقولي سلم على الأستاذ تقولي ياه فيه الخير الحمدلله إنه لسه فاكرني أو لسه فكراني».

وفاة والد أحمد عبدالحميد

وأضاف: «لو شفت حب الناس ليك بعد ما مشيت سواء في جنازتك أو العزاء، أو حتى على صفحاته، هتعرف قد إيه إنت كنت عظيم وهتفضل تاريخ وهتفضل سيرتك حلوة وساترنا طول ما احنا عايشين، بس أنا عارف إن كل ده ولا يشغلك دلوقتي وإنت منعم فى جنة الرحمن مع حبايبك كلهم و هو ده عزائي الوحيد، ربنا يرحمك يا أطيب قلب و أحسن أب ويجعلنى خير خلف ليك وأفضل محافظ على اسمك وسيرتك وأخلاقك، أشوفك على خير يا حماد».

• أحمد عبدالحميد
• وفاة والد أحمد عبدالحميد
• الماكيير محمد عبدالحميد
• عزاء والد أحمد عبدالحميد