استنيت دوري سنين.. سالي عبدالسلام تعلن عن حملها في بداية العام
استنيت دوري سنين.. سالي عبدالسلام تعلن عن حملها في بداية العام
أعلنت الإعلامية سالي عبد السلام مع بداية عام 2026، استعدادها لاستقبال أول مولود لها، إذ شاركت الجميع فرحتها، في منشور مؤثر عبر حسابها الرسمي على موقع التواصل الاجتماعي فيسبوك، كشفت فيه عن رحلتها من فقدانها لحمل سابق، لحملها اليوم، مؤكدة إن دعوات مُحبيها غيرت أقدارها.
وسردت الإعلامية سالي عبدالسلام، تفاصيل الحمل، في بداية منشورها، قائلة: «بسم الله نبدأ 2026 بركة رزق وهبة من الله أنا كان نفسي أني أحط فيديو على الأغنية دي عشان أنا من إمبارح عايزة أعيط من جمالكم بجد! أنا شفت دعوات عمري ما شفتها في حياتي.. شكراً من قلبي».
الجمهور له حق المعرفة
كما نوهت عن عدم إعلانها الأمر في البداية، مؤكدة إنها حاولت الانتظار حتى وضع مولودها كما نصحها البعض، لكنها وجدت إن الجمهور له حق المعرفة، مدونة: «كل اللي حواليا قالولي متقولييش.. اسكتي.. قولي لما تولدي.. بس حقكوا تعرفوا، تعرفوا دعواتكم اللي شفتها وسمعتها و إتقالتلي في وشّي لما الناس بتقولي إشمعني إنتي بيدعولك أو بيحبوكي بخاف اتحسد».
وكشفت بإنها فقدت من قبل جنينين، قبل أن تُرزق بحمل اليوم، قائلة: «قد إيه دعوات الناس بتغيرالأقدار واستجابة أكتر من دعوات نفسي، لو قلتلكم إني استنيت دوري سنين عشان ربنا يرزقني والهبة دي عارفة إنكم هتصدقوا.. الحمدلله بس ليّا بيتين في الجنة وبدعواتكم ربنا كرمنا و هيكرمني و هيكملها على خير و وهيقف معانا زينة الحياة الدنيا».
وطالبت سالي عبدالسلام متابعيها بالدعوات، قائلة في النهاية: «عايزة دعوات كتير أوي أكتر من الدعوات اللي فاتت والله عشان الطريق مش سهل وكل شوية بيحصل حاجة تصعب المشوار و مضايقات وكل شوية أخاف أكتر، ربنا يرزق كل واحد نفسه يا رب».
