رسالة مؤثرة من المخرج معتز حسام بعد شائعة وفاته.. ماذا قال؟
رسالة مؤثرة من المخرج معتز حسام بعد شائعة وفاته.. ماذا قال؟
أعرب المخرج معتز حسام، عن غضبه الشديد من ترويج شائعات ضده خلال الساعات القليلة الماضية، وصلت إلى وفاته، الأمر الذي أثار قلق عائلته وجمهوره، قائلًا: «بطمن كل عيلتي وأصحابي عليَا.. أنا بخير وربنا ينتقم من كل واحد فاضي وشرير.. ربنا يشفي كل عيان في دماغه».
وكتب معتز حسام، عبر حسابه على انستجرام: «يعني ليه أبقى نايم، وأصحى ألاقي 52 ميسد كول من ناس بتطمن عليَا إذا كنت عايش ولا ميت بسبب أكونت فيك نزل بوست زي ده وبعت مسدجات لناس عندي يقولهم كده».
وأضاف: «يعني مين عنده نفس مريضة للدرجة دي.. وإيه وجه الاستفادة من حاجة زي دي.. مش عارف أقول غير إن كلنا هنموت».
وكان أحد الأشخاص قد روّج قبل قليل شائعة وفاة معتز حسام، قائلًا: «هو فيه حد عنده معلومة مؤكدة.. فيه كلام منتشر دلوقتي إن المخرج معتز حسام توفي، بس لحد دلوقتي مفيش مصدر رسمي أكد الخبر.. الموضوع مقلق.. لو فيه حد قريب منه يطمن الناس ويا ريت بلاش نشر شائعات».
معتز حسام ينتهي من تصوير مسلسل البخت
يذكر أن المخرج معتز حسام، انتهى قبل أيام، من تصوير مسلسله الجديد الذي يُشارك به في موسم مسلسلات رمضان 2026، تحت عنوان البخت، بطولة أحمد عبد العزيز، وعبير صبرى، وهالة فاخر، ونسرين أمين، وتامر فرج، وبسنت النبراوي، وحسام داغر، وهو من تأليف حسام موسى.
