الطفلة نورين حازم لـ ست ستات: التمثيل علمني الحياة وجرأني على مواجهة الصعوبات

كتب: محمد عزالدين

الطفلة نورين حازم لـ ست ستات: التمثيل علمني الحياة وجرأني على مواجهة الصعوبات

الطفلة نورين حازم لـ ست ستات: التمثيل علمني الحياة وجرأني على مواجهة الصعوبات

قالت الطفلة نورين حازم، إن التمثيل علمها الكثير عن الحياة ومكنها من مواجهة مواقف صعبة على الرغم من صغر سنها.

وأضافت نورين، خلال استضافتها في برنامج «ست ستات»، المذاع على قناة «dmc»، وتقدمه الإعلامية شريهان أبوالحسن: «التمثيل علمني حاجات كتيرة أوي وجرأني على مواجهة الصعاب، علمني إزاي الحياة بتمشي.. على سبيل المثال في مسلسل لينك كان أخويا بيشرب مخدرات، وأنا دخلت أوضته وجبت المخدرات وروحت لسيد رجب».

وأشادت شريهان أبوالحسن بالطفلة قائلة: «انتي الجيل الجديد.. كل الكبار خايفين يقولوا إن الولد محتاج علاج، لكن انتي طفلة وشجعتي على مواجهة الموضوع».

وعن دورها في مسلسل «لعبة وقلبت بجد»، قالت نورين: «بغلس على التانيين عشان أنا مولودة في بيت سام، مامتي بتضرب بابا، ده أثر فيا لكن في الآخر الدنيا هتتغير»، مضيفة: «مش هحكي كله عشان الناس تتفرج وتقول رأيها».

وتطرقت نورين إلى طريقة اختيار أعمالها: «لو المسلسل مش عاجبني مش همثل فيه، مامي بتديني الخيارات وأنا بختار اللي فعلاً هيعجبني».

وعن تأثير الدراما على المتابعين، قالت المذيعة: «الدراما لها دور كبير جدًا في التوعية، وبتسلط الضوء على مواضيع مهمة زي تأثير التكنولوجيا على حياتنا».

وختمت نورين: «أنا بحب كل أدواري، وكل دور بيعلمني حاجة جديدة عن الحياة وعن نفسي».