حنان شوقي: علاقتي بممدوح عبدالعليم كانت روحانية.. ولا يمكن أتخطى يوم وفاته

كشفت الفنانة حنان شوقي عن معاناتها مع ألم الفقد؛ إذ فقدت جميع أشقائها إلى جانب ممدوح عبدالعليم وهشام سليم.

وقالت حنان شوقي، في تصريحات تليفزيونية: «في وفاة اخواتي كلهم بلا استثناء ربنا خلاني كالجبل، ولو الجبل اتحرك كنت اتحركت، كنت صابرة جداً، اللي هزني أكتر وهم اخواتي ومش من رحم واحد ممدوح عبدالعليم وهشام سليم الله».

حنان شوقي: ممدوح عبدالعليم وهشام سليم اللي ربوني

وأضافت: «بالنسبة لي ممدوح عبدالعليم وهشام سليم دول اللي ربوني من وأنا صغيرة في مسلسل ليالي الحلمية، هما اللي كانوا بيخافوا عليا، لو أي حد جه يكلمني كلمة كدا ولا كدا كانوا يمسكوه يتخانقوا معاه، ممدوح لما توفى كأنه محمد أخويا اللي انتقل إلى رحمة الله، هو كان زي الملاك، بني آدم محترم أوي وذوق وأخلاق وطيبة».

وتابعت: «علاقة ممدوح بيا كانت علاقة روحانية، هو وهشام اخواتي، كالأخ الكبير لما يبقى صديقك ويبقى بيمثل معاك وبيبقى شايفك وتهزري معاه، حد من عيلتي، حد جوايا، حد مني، ممدوح عبدالعليم الشخص ده عمره ما آذى حد، ولا عمره تجاوز على حد، ولا عمره نفسن على حد، ولا عمره ادى وعود لحد كاذبة، يا زين اللي ربّت ممدوح عبدالعليم، الله يرحمه مش قادرة أتخطى وفاته حتى وقتنا ده.

• ممدوح عبدالعليم
• حنان شوقي
• هشام سليم