صالح جمعة يكشف سبب غضب إمام عاشور في الأهلي
صالح جمعة يكشف سبب غضب إمام عاشور في الأهلي
تحدث صالح جمعة، لاعب الفريق الأول لكرة القدم بالنادي الأهلي سابقا، عن سبب غضب إمام عاشور، لاعب الفريق الأحمر، خلال الفترة الأخيرة، وما فعله قبل مباراة يانج أفريكانز بالجولة الماضية من مسابقة دوري أبطال أفريقيا، والتي أقيمت على ملعب «أمان».
صالح جمعة: إمام شايف إنه أحسن لاعب في مصر
وقال «جمعة» في تصريحات تلفزيونية: «أنا كنت مع إمام عاشور وكهربا امبارح، وبنتكلم في الموضوع، إمام عايز حاجات شخصية بيطلبها من النادي، هو شايف إنه مظلوم، وإنه أفضل لاعب في مصر، وبعيد عن أي حد حواليه ماديا، وبرا الجانب المادي هو شايف إنه عايز المعاملة معاه تبقى أحسن من كده».
وتابع: «إمام عاشور عنده عروض بمبالغ كويسة، وعايز تعاون وباصص لمستقبله، وفي الأول والآخر الكل عايزه يكون موجود في النادي، ممكن الموضوع يمشي بطريقة كويسة ونجيبه ونقعد معاه ويجدد سنتين، هو اللي مزعله الموضوع المادي، وهو الفاصل في كل حاجة».
الأهلي يبحث عن تمديد التعاقد مع إمام عاشور
ويبحث مسؤولو النادي الأهلي، عن تمديد التعاقد مع إمام عاشور، واستمراره ضمن صفوف الفريق خلال الفترة المقبلة، في ظل العروض الخارجية التي تصل له، خلال الفترة الحالية.
