قالت الإعلامية رضوى الشربيني «النهارده آخر حلقة من الموسم الحالي.. في ختام كل موسم بحب أشكر كل الناس اللي أنا اشتغلت معاها، من أصغر حد لأكبر حد، لأنه إذا كان ده برنامج مقبول أو ناجح فده فضلهم هم، مش بفضلي»، موضحةً أن شهر رمضان هو موسم تحقيق المعجزات وتحقيق كل ما يدعو به الإنسان إلى الله.
رمضان شهر المعجزات
وأضافت «الشربيني»، خلال تقديم برنامج «هي وبس» على شاشة «دي إم سي»، أن شهر رمضان هو شهر المعجزات، قائلةً: «دائمًا بقول إن شهر رمضان شهر المعجزات، والشهر ده تحديدًا عمل معايا أنا شخصيًا معجزة، خلاني من رضوى إلى رضوى الشربيني اللي إنتُم شايفينها دلوقتي على الشاشة».
اطلبوا من ربنا واتمنوا
وتابعت رضوى الشربيني: «ربك كريم قوي، وربك رب المعجزات، اطلبي واتمني، اطلبي أي حاجة إنتِ عايزاها في الدنيا، اطلبي الزوج الصالح، اطلبي الستر، اطلبي الصحة، اطلبي الفلوس بلا عدد وبلا رقم، لأنه رب المعجزات، ورب المعجزات بيحقق أي شيء وكل شيء، اطلبي العمل، اطلبي الولاد، اطلبي أي حاجة نفسك فيها من رب العباد».
