كلمات تتر مسلسل «على قد الحب» رمضان 2026.. «مش معقول الظلم»

أضفى صوت ملكة الإحساس إليسا، لمسة من الرومانسية على تتر مسلسل «على قد الحب»، المقرر عرضه خلال السباق الرمضاني 2026 على شاشات الشركة المتحدة للخدمات الإعلامية.

كلمات أغنية على قد الحب

وتحمل أغنية تتر مسلسل «على قد الحب» نفس اسم العمل الفني، وجاءت كلماتها على النحو التالي:

أغنية «على قد الحب» من كلمات وألحان عزيز الشافعي، وتوزيع نادر حمدي، وتتولى شركة craftmedia لحمدي بدر التوزيع الخارجي للأغنية، وهي من إنتاج s productions لسالي والي & craft media.

مش معقول الشر
مش معقول الظلم اللي أنا شايفاه
والمعاناه لا لا
مش معقول الشر
مش معقول الظلم اللي أنا شايفاه
والمعاناه لا لا لا

اتعذبت كتير
ولا قلب ولا ضمير
إزاي أكتر ناس حبتهم
يأذوني وعمري ما أذيتهم
جروحوني جرح كبير
حاجة ملهاش تفسير
على قد الحب أنا شوفت الكره
عشر أضعاف
خلوني مريضة
بقيت من كل الدنيا بخاف

على قد الحب أنا خدت الكره
عشر أضعاف
خلوني مريضة
بقيت منهم ومن نفسي بخاف

في الدنيا يا ناس
بقى فاضل إيه تاني هيتشاف
أنا آسفة بقيت بتمنى الموت
من اللي أنا عايشاه

معقول الظلم اللي أنا شايفاه

صعبان عليا حالي لوحدي متسابة
لناس مفيش رحمة في قلبهم يابا
ومين هاينجدني من اللي ظالمني
ومين تاني يآمن لدنيا كدابة

صعبان عليا حالي لوحدي متسابة
لناس مفيش رحمة في قلبهم يابا
ومين هاينجدني من اللي ظالمني
ومين تاني يآمن لدنيا كدابة
على قد الحب أنا شوفت الكره
عشر أضعاف
خلوني مريضة
من نفسي بخاف

في الدنيا يا ناس
بقى فاضل إيه تاني هيتشاف
أنا آسفة بقيت بتمنى الموت
من اللي أنا عايشاه

معقول الظلم اللي أنا شايفاه

تفاصيل مسلسل على قد الحب

مسلسل «على قد الحب» يتكون من 30 حلقة ويعد من أبرز الأعمال المرتقبة في سباق رمضان 2026، وهو من بطولة شريف سلامة، ونيللي كريم، وأحمد سعيد عبد الغني، وأحمد ماجد، ومها نصار، ومحمود الليثي، ومحمد أبو داوود، ومحمد علي رزق، وصفاء الطوخي، وراندا إبراهيم، وآية سليم، ويوسف حشيش، ومحمود فايز، وهو من تأليف مصطفى جمال هاشم وإخراج خالد سعيد.

• مسلسل على قد الحب
• على قد الحب
• كلمات أغنية على قد الحب
• إليسا
• ملكة الإحساس إليسا
• نيللي كريم
• شريف سلامة