علقينى يا بلدى بيكى

علقينى يا بلدى بيكى واوهمينى ببكرة فيكى واخطفى العمر بشبابه مش خسارة الدعوة فيكى فرقينا بالظروف وارمى جوا القلب خوف علمينا الغربة أحلى وراحة من كل الطروف كل شمس وراها عتمة وعتمتك غمت ألوف بترمى فى حضنك ليلاتى وبردو ضلمة ومش بشوف كل واحد ليه طريقة جوا منك يترمى واللى بيشوفك بعينه بميت طريقة بيتعمى علمينا نعيش فى غربة بعيد عليكى ونحتمى أحلى مانعيش جوا منك وانتى فينا تقتلى قربيلى فى موتى خطوة ياللى خدتى العمر سطوة بينى وبين الجنة خطوة مدى إيدك كفنينى اسمعينى بصوت خواطرى خلى قطر الموت يخطى ذنبى إيه فى الموت يا وطنى ادفنينى بدمى غطى عدى جمب البيت وفوتى عدى دايماً وقت موتى طلعى من الصوت سكوتى لأجل ميقول الحقيقة اللى باع الدم جايز خلى مالشبان عجايز واللى قاتل فى الغلابة بطشه كان زى العبادة واللى عاش بالمر محنى تقتليه وف موتُه تحكى طبطبة معاليكى زادت والدموع من عينى غابت غطى فوقى ترابى غطى اوعى أشوفك يوم تخطى فوق جبين الأرض خطى وارسمينى بدون كلام قربيلى فى موتى خطوة ياللى خدتى العمر سطوة بينى وبين الجنة خطوة مدى إيدك كفنينى أخبار متعلقة: معصوبة العينين البحث عن أنثى موضة قديمة الديمقراطية حامد جبريل.. فنان «ينحت فى الصخر» الشقاء عالم لا يعرف الشرف أنطونيو كوين بيقلد جدك نحن من يصنع الإهمال ولكنه البكاء فاعل منصوب بالكسرة