الرئيس السيسي عن حرب الإرهاب: عمر ما القتل والتخريب يرضي ربنا أبدا

تحدث السيد الرئيس عبدالفتاح السيسي عن مساري الحرب على الإرهاب والتنمية التي سارت بهما الدولة على مدار أكثر من 10 سنوات مضت: «قولنا هنمشي في الطريقين ننمي ونعمر ونقضي على الإرهاب، واللي كانوا بيعملوه لا يمس للإسلام بصلة، عمر ما القتل والتخريب والتدمير ما يرضي ربنا أبدًا، إحنا مبدأناش وحاولنا معاهم لكن مبدأناش، ومش إحنا اللي قتلنا ولا إحنا اللي هدمنا.. هما اللي عملو كدا، ولم نكن أبدا متآمرين، وكنا عاوزين نحافظ على بلدنا، لأنها مكانتش ناقصة حد يخرب فيها».

وأضاف السيد الرئيس خلال حديثه بفاعلية الاحتفال مع أسر الشهداء بعيد الفطر المبارك: «كانوا بيقولوا هنعمل دولة إسلامية، أومال إحنا إيه؟.. اللي عاوز يصلي يصلي واللي مش عاوز هو حر، لأن المصريين محدش بيدخل فيهم حد المسجد بالعافية ولا حد بيدخل حد كنيسة بالعافية، كانوا بيقولوا هنخلي الناس بتوع ربنا».

• السيسي
• الرئيس السيسي