أشاد المخرج خالد دياب بالفنان هشام ماجد بعد عملهما مؤخرا في فيلم برشامة الذي يعرض الآن في دور العرض السينمائية، من خلال منشور عبر صفحته الخاصة على موقع «فيسبوك».

خالد دياب يشيد بـ هشام ماجد

كتب خالد دياب قائلا: «أستاذ هشام ماجد أشكرك إنك أديتني الفرصة إني أشتغل معاك بداية من أشغال شقة إلى برشامة، العملين دول اتعرضو رسميا على نص الوسط الفني ولم يرغب نجم أو نجمة أن يشترك فيهما، ثم جاء هشام ماجد فتغيرت المعادلة تماما، هشام اسمه الحركي في الوسط الفني هو الألماني مش عشان شكله لا، ده عشان التزامه، التزامه بالمواعيد والجاهزية والاجتهاد بدءا من العمل على النص مرورا بالتصوير، انتهاء بالمونتاج، ليه كل اللي بيشتغلوا معاه بينوروا؟».

وتابع دياب: «عشان هشام بيتعامل مع الأعمال الفنية بمنطلق كابتن فريق الكورة، يعني المهم الفريق يكسب مش مهم مين يحط الجون، فبيعمل أسيست للكل عشان يجيبوا إجوان حلوة، فطبيعي أول ما لاعب يجيب جون يطلع يجري عليه ويحضنه، كأنه بيقوله من غيرك عمري ما كنت هاجيب جون بالحلاوة دي، هشام يعني القلب الأبيض والسلكان كله، هشام مش كوميديان محترف، لأ ده ممثل متكامل محترف، يعني أوعدكم هاتشوفوه في أدوار جد جدا هاتكسر الدنيا، أخيرا مفيش حد اشتغل معاه إلا بيحبه جدا وأنا أولهم، ملحوظة: هذا البوست لا يحمل ذرة مبالغة».

• خالد دياب
• هشام ماجد
• فيلم برشامة