شروق الأشقر لـ أحمد فايق: البحث المصري قادر على المنافسة وإثبات الكفاءة العلمية
شروق الأشقر لـ أحمد فايق: البحث المصري قادر على المنافسة وإثبات الكفاءة العلمية
قالت الدكتورة شروق الأشقر، المتخصصة في دراسة الثدييات، إنّ فريق مركز الحفريات الفقارية بجامعة المنصورة أصبح أول فريق مصري ينشر بحثاً في مجلة «ساينس» العالمية ويقود الفيرست أوثر من داخل المؤسسة المصرية: «إحنا عملنا الواجب بتاعنا وذاكرنا الداتا بتاعة الساينس عشان نضمن إن كل حاجة تكون دقيقة وصحيحة».
وأضافت في لقاء مع الإعلامي أحمد فايق، مقدم برنامج «مصر تستطيع»، عبر قناة «dmc»: «أنا يومياً أول حاجة بعملها بفحص الإيميل قبل ما أتحرك من مكاني، خاصة خلال فترة المراجعة، وكنت مستنية الرد من المحرر عشان أشوف نتيجة البحث.. ولما جالي إيميل القبول، كنت حاسة إن خلايا جسمي كلها بتتحرك، يعني استنفار عصبي رهيب. إحنا accepted، إحنا خلاص نشرنا».
وحول حجم الاكتشاف، أوضحت الأشقر: «الكائن المكتشف كان وزنه نحو 27 كيلو فقط، صغير الحجم، وطوله ما قدرناش نحسبه لإن ما عندناش post-cranial، بس عرفنا الوزن عن طريق بعض المعادلات الإحصائية وحجم الأسنان.. ده بيساعدنا نفهم الحجم اللي كان عليه الكائن بناءً على اللي عايش دلوقتي».
وقالت شروق: «النجاح ده مش بس فخر لمصر، لكنه كمان نصر علمي كبير للجامعة المنصورة والمركز المصري للحفريات الفقرية.. إحنا قدرنا نثبت إن البحث المصري قادر على المنافسة على المستوى العالمي، وكمان نرفع اسم مصر عالي بين علماء الرئيسيات».
