هشام سلام لـ أحمد فايق: الشباب الباحثون سيضعون مصر على خارطة «الكبار» في الاكتشافات العالمية
هشام سلام لـ أحمد فايق: الشباب الباحثون سيضعون مصر على خارطة «الكبار» في الاكتشافات العالمية
أكد الدكتور هشام سلام، عالم الحفريات، ومؤسس مركز الحفريات الفقارية بجامعة المنصورة، أن مصر اليوم تحقق إنجازات علمية غير مسبوقة في مجال الحفريات، قائلاً: «هنا هيقولك: مصر جاءت ثم جاء التاريخ. التاريخ ده اللي صنعه الإنسان.. إحنا بنتكلم في حاجة تاريخ لم يشهده بشر».
وأضاف في لقاء مع الإعلامي أحمد فايق، مقدم برنامج «مصر تستطيع»، عبر قناة dmc: «الكلمة دي أنا سمعتها من خمس سنين، لما جيت عملت معانا لقاء.. وإحنا بنحكي هنا تاريخ لم يشهده بشر».
نموذج بحثي رائد
وأوضح سلام أن الباحثة الرئيسية في هذا الاكتشاف هي الدكتورة شروق الأشقر، المتخصصة في دراسة الثدييات، حيث قالت عنه: «هي نشرت في باستيتودون عن الكائن المفترس اللي عاش في الفيوم، غابة الفيوم، من 30 مليون سنة.. وهي صاحبة الفرح النهاردة نقدر نقول، وأعتقد إنها من النماذج التقيلة في البحث العلمي في التخصص ده على مستوى الشرق الأوسط حاليًا».
وأكد أن هذا النجاح لم يكن بالكلام، لكنه نتيجة جهد علمي حقيقي: «ده قدرت توصل اللي في البوكس ده لأكبر مجلة على الكوكب كله.. وده حاجة فخورة جدًا بيها».
جهد جماعي وفريق بحث متكامل
وأشار سلام إلى أهمية الفريق البحثي الذي عمل معه في «سلام لاب»، قائلاً: «أنا فخور جدًا إن شروق الأشقر، أول جيل من عندنا، يطلع بالليفل ده.. وأنا أعتقد إن لما سناء السيد ترجع، وبلال يرجع، وعبدالله يرجعوا من بره.. هنا برضه الشباب الحالي: الدكتور حسام، والدكتور محمد، والدكتورة ندى، فكلهم موجودين معانا دلوقتي في اكتشافات قادمة كبيرة هتخلي مصر على خارطة الكبار دايمًا».
وواصل الدكتور هشام سلام، عالم الحفريات ومؤسس مركز الحفريات الفقارية بجامعة المنصورة: «الجيل الجديد من الباحثين الواعدين إن شاء الله مش هتكون الأخيرة.. دي البداية بس، والمستقبل أكبر وأجمل».
