شروق الأشقر لـ«مصر تستطيع»: اكتشاف حفرية جديدة ينقل أبحاث المايوسين إلى مستوى جديد

قالت الدكتورة شروق الأشقر، المتخصصة في دراسة الثدييات، إنّ المرحلة الثانية من البحث بدأت بعد مراجعة الصور للحفرية التي تم اكتشافها: «بدأت أشتغل على الأبحاث الخاصة بالمايوسين، والفترة اللي عاشت فيها الحفريات، وكمان الحاجات المكتشفة من كينيا وغندا.. فجأة جاء في دماغي الحفرية الغريبة اللي دكتور هشام لقاها».

وأضافت في لقاء مع الإعلامي أحمد فايق، مقدم برنامج مصر تستطيع، عبر قناة «dmc»: «كنت قاعدة في المكتب ودكتور هشام كان بيريح بين المحاضرات، وقبل ما أروح طلبت منه يرسل لي الصور اللي احنا لقناها في الأول».

وأوضحت أن أول ما شاهدت الصور لم تصدق نفسها: «ده الفرونت ده نفس الانديفيدول، وده الجزء الأمامي من الماندبول، والمعلومات اللي فيه كبيرة جدًا وهتساعدنا وهتنقل البحث نقلة تانية خالص».

وأردفت: «دكتور هشام كان واخد قيلولة، وكنت مكسوفة أصحيه، بس قولت له: الحفرية اللي احنا لقناها هي الفرونت أوف ذا مندي بول، وهو اتفاجئ واقتنع بالمعلومات».

وأكدت الدكتورة شروق أن هذه المرحلة من البحث أضافت حماسًا جديدًا للفريق: «كانت مرحلة تانية من الإثارة، واشتغلنا على البحث بكل حماس، اكتشاف الحفرية ساعدنا نفهم أكتر عن الرئيسيات، والجزء المكسور من السنة كان informative جدًا لأي معلومة إضافية.. ده اكتشاف علمي هيفتح أبواب جديدة لدراسة الرئيسيات وفترة المايوسين».

• برنامج مصر تستطيع
• مصر تستطيع
• الحفريات
• المايوسين