عمرو محمود ياسين يدعم زوجته في رحلة علاجها من السرطان برسالة مؤثرة

حرص السيناريست عمرو محمود ياسين على دعم زوجته الإعلامية آيات أباظة برسالة مؤثرة، واصفا رحلة علاجها من مرض السرطان بأنها الاختبار الأصعب في حياته، مشيدا بصلابتها في مواجهة الأزمة.

وكتب عمرو محمود ياسين، عبر حسابه على فيس بوك: «أصعب حاجة بتمر عليّا في حياتي.. هي التجربة الصعبة دي.. أتمنى لك الشفاء يا حبيبتي.. وحقيقي أنا بتعلم منك حاجات كتير قوي في الموضوع ده على قد ما أنتي صبورة ومؤمنة وشجاعة».

وأضاف: «بتحاولي في وسط ده كله، تكوني الزوجة الداعمة والأم الحنونة لأولادك، وبتتحملي معايا مشاكلي ومشاكل شغلي، ربنا يشفيكي ويعافيكي ويجبر ربنا بخاطرنا بأننا نفرح بشفاكي وتطمئن قلوبنا».

ويأتي ذلك بالتزامن مع رسالة الإعلامية آيات أباظة لجمهورها عبر حسابها الشخصي على فيس بوك؛ إذ اعتذرت عن عدم الرد على الرسائل نظرًا لاستكمالها بروتوكول العلاج، مؤكدة استسلامها لقضاء الله: «ربنا لما بيبتلي حد يبقى بيحبه.. الحمد لله على كل حاجة».

وكتبت: «ناس كتير بتبعت لي تطمن عليّا ومكنتش برد.. أنا آسفة.. أنا لسه بكمل العلاج، وأنا راضية ومتأكدة إن ربنا لما بيبتلي حد يبقى بيحبه.. الحمد لله علي كل حاجة».

• عمرو محمود ياسين
• آيات أباظة
• السرطان
• رسالة مؤثرة