الفنانة نوران ماجد لـ«ست ستات»: لو شريك حياتي اهتم بنفسه فجأة هراقبه بدون مواجهة

قالت الفنانة نورا ماجد، إن تغير سلوك شريك حياتها، للاهتمام بنفسه بشكل مفاجئ، ستشعر بالريبة والشك، موضحة أن التغيير المفاجئ في السلوك يثير التساؤل.

مراقبة هادئة دون مواجهة مباشرة

وأضافت خلال استضافتها في برنامج «ست ستات»، المذاع على قناة «dmc»: «أكيد هشك، لأنه مكنش بيحصل وبقى بيحصل فجأة، فطبعاً هسأل نفسي إيه اللي اتغير، لكن مش هتصرف بشكل مباشر، يعني مش هواجهه بطريقة صريحة وأقوله ليه بتتشيك كده، لأ، هتابع الموضوع بشكل أذكى».

وأوضحت أنها يمكن أن تلجأ إلى معرفة أماكن تواجده بشكل غير مباشر، قائلة: «هشوف هو فين، وأخد صحابي ونروح نفس المكان اللي رايحه، من غير ما أحسسه إني بدور عليه».

وخلال اللقاء علق أحد الحضور قائلًا مازحًا: «إديهم أفكار شوية»، لترد الإعلامية شريهان أبوالحسن: «أيوة والنبي إدينا شوية أفكار».

واستكملت الفنانة حديثها قائلة: «هتعامل بهدوء، ومش هخليه يحس إني بدور، هقول له مثلاً إني خرجت أنا وصحابي لنفس المكان، عشان أبقى موجودة من غير ما أثير أي مشكلة».

رفض التصعيد وتفضيل الهدوء في التعامل

وعن إمكانية تصعيد الموقف إلى خلاف، شددت أنها لا تميل إلى الصدام، قائلة: «طبعاً مش هعمل خناقة، خناقة ليه؟ أنا أصلاً معنديش دليل على حاجة عشان أتصرف بشكل عدائي».

• الشك
• العلاقات
• السلوك