«أحمد» يوزع دعاية «جاره المرشح».. ويرفض التصويت له

09:22 م | الثلاثاء 27 أكتوبر 2015

مرتدياً الشارة الحمراء، وفى يده حزمة من الدعاية لأحد المرشحين فى جولة الإعادة للمرحلة الأولى من الانتخابات، ينصح المارة بجوار إحدى اللجان الانتخابية بالجيزة بانتخابه، إلا أن «أحمد» نفسه يرفض التصويت: «أنا جيت عشان أساعد جارى مش أكتر، لكن مش هصوّت لا له ولا لغيره»، مستدركاً: «كله فركش».

{long_qoute_1}

لم يخترق الحاجز الحديدى الذى وضعته قوات الأمن أمام المدرسة، حرص على أن يكون المرشح «فى السليم»، ورغم أن «أحمد عيسى»، فنى ديكور بالأعمال السينمائية، تربطه علاقة صداقة بالمرشح الذى ينظم دعايته و«الباب فى الباب» منذ 32 عاماً، فإن تلك العوامل لم تؤثر على قرار الشاب الثلاثينى: «جارى أساعده آه، أنتخبه لأ، الصداقة حاجة وصوتى حاجة تانية»، وجهة نظره استشفها من طبيعة عمله وسط الأعمال الدرامية والسينمائية: «كل اللى بيحصل قدامنا دا ديكور، والبرلمان الجاى مش هيكون مؤثر، والانتخابات فيلم بايخ مافهوش إثارة بجد».

يتقاضى «أحمد» فى عمله 300 جنيه عن اليوم الواحد، ولأن «السوق نايم» قرر أن يخوض تجربة الدعاية الانتخابية للمرة الأولى ويتقاضى عن اليوم الواحد 100 جنيه بخلاف «الغدا والمشاريب»، لم يفاصل أو يحاول رفع المبلغ مع جاره «400 جنيه فى 4 أيام حلو فى وقت سوق الشغل نايم، وبعدين أنا مش بجبر حد على انتخابه، كل اللى بقوله صوتك أمانة ادخل انتخب وماسك صورة»، يتمنى الشاب الثلاثينى الذى يحمل الشهادة الإعدادية فقط أن تصبح منطقته فى أحسن حال: «أنا مش متعلم كويس، لكن بقرا وبكتب وعارف الصح، والانتخابات مش هتفيد البلد بحاجة إلا لو درست الشخص اللى قدامك كويس وشفت منه اللى يخليك معاه على الحلوة والمرة، يعود للحديث عن جاره الذى يوزع دعايته: «هو راجل محترم فعلاً، بس ده قرارى ومش هرجع عنه، مش هنتخب حد».