إشادات جماهيرية بأغنية «قالوا عني إيه» لمحمد حماقي: «إحساسك مفيش زيه»
إشادات جماهيرية بأغنية «قالوا عني إيه» لمحمد حماقي: «إحساسك مفيش زيه»
إشادات عديدة نالها المطرب محمد حماقي بعد ساعات قليلة من طرح أغنيته الجديدة «قالوا عني إيه»، من ألبوم «سمّعوني»، والتي طرحها عبر قناته الخاصة على يوتيوب.
تعليقات الجمهور على أغنية «قالوا عني إيه»
وجاءت تعليقات الجمهور على أغنية «قالوا عني إيه» لمحمد حماقي كالتالي:
قال تعليق: «طب والله حلوة واللازمة بتاعتها جميلة وبتعلق في الودن، وهتبقى ترند على التيك توك والإنستا».
وقال تعليق آخر: «إحساسك مفيش زيه يا حماقي».
وعلق آخر: «الأغنية تحفة.. نزل باقي الألبوم».
وقال تعليق: «الله على الغلطات لما تتغنى بالجمال ده».
أغنية «قالوا عني إيه» من كلمات أمير طعيمة، وألحان عمرو مصطفى، وتوزيع أحمد إبراهيم، ومكس وماستر أمير محروس.
وجاءت كلمات الأغنية كالتالي:
«قالوا إيه.. قالوا إيه ما تفهميني قالوا إيه
إيه اللي عينيكي بتداريه.. قالوا عني إيه قالوا عني إيه
قالوا باع.. ومكانش حبي ليكي عن اقتناع
وإن اللي بينا كان خداع.. صدقتي ليه.. قالوا عني إيه
بيجيبوا سيرتي.. إزاي قدرتي
تنسي اللي بينا قوام.. معقولة كنتي.. مش عارفة قيمتي
كان اللي بينا كلام.. غلطة غلطة غلطة غلطة
إنتي طلعتي أكبر غلطة.. ضيعتيني بالأوهام
ندمتيني على الأيام.. إنتي بكلمة عقلك وزك
وأنا مش هنسى من سوء حظك.. إنتي بإيدك ضاعت الأحلام
راحوا فين.. الأيام اللي بينا والسنين
ضيعتي قلبي بكلمتين.. مين يشكي مين
مين يشكي مين.. واللي قال.. إنتي خليكي ماشية
ورا اللي قال.. هدي الحقيقة بالخيال
شوفي كنا فين.. وبقينا فين.. اللي ما بينا
اللي ما بينا.. دلوقتي ماضي.. وراح ما هو لو حبيبتي
هتردي غيبتي.. بس إنتي غاوية جراح».
