الفنان أحمد كشك: العمال والصنايعية بيتعبوا أكتر من الممثلين.. ولو اشتغلنا على تاكسي هنموت
الفنان أحمد كشك: العمال والصنايعية بيتعبوا أكتر من الممثلين.. ولو اشتغلنا على تاكسي هنموت
خطف الفنان أحمد كشك الأنظار خلال استضافته في برنامج رايح جاى عبر راديو 9090، بعدما تحدث عن مهنة التمثيل، مؤكدا أنها من أعظم المهن وأكثرها تأثيرا، لكنه شدد في الوقت نفسه على أن الفنانين لا يتحملون نفس حجم المشقة التي يعيشها العمال والصنايعية بشكل يومي.
أحمد كشك: العمال والصنايعية بيتعبوا أكتر من الممثلين
وقال أحمد كشك خلال اللقاء: «التمثيل مهنة عظيمة مينفعش نقعد نقلل منه، يعني فيه البعض من زملاءنا اللي يطلع يقولك أنا مثلت بالصدفة واللي يقولك جت معايا وأنا معدي، وأنا هنا بتكلم عن اللي مكنش عايز يمثل ويقولك أنا مثلت بالصدفة، التمثيل مهنة عظيمة والفن شيء عظيم».
وأضاف: «مبنتعبش زي الصنايعية والعمال، بيتعبوا أكتر مننا، علشان بس اللي بيقعد يقول إحنا مهنة بنتعب، ولو بتعب أنا بكسب أكتر منهم، بكسب فلوس وحب ناس وشهرة بتسهلي أموري».
وواصل الفنان أحمد كشك حديثه، مؤكدًا تقديره الكبير لأصحاب المهن الشاقة، قائلا: «مفيش حد بيتعب زي العمال والصنايعية والنقاش، بيشتغلوا 20 ساعة، مفيش مستحيل، مع احترامي لكل واحد بيطلع يقول الكلام ده».
كما ضرب مثالا بطبيعة بعض الأعمال اليومية التي تتطلب مجهودا كبيرا، مضيفا: «لو أنت راجل اطلع اشتغل على تاكسي أربع ساعات هتموت في ساعتها، حضرتك لما بيوقفوا التكييف في البلاتوه بتصوت».
واختتم أحمد كشك تصريحاته بالتأكيد على أن حديثه لا ينتقص من قيمة الفن أو التمثيل، موضحًا: «ومش معنى كلامي إننا مش مهنة عظيمة ومؤثرة، لا.. إحنا مهنة عظيمة ومؤثرة»، في تصريحات أثارت تفاعلًا واسعًا بين الجمهور عبر مواقع التواصل الاجتماعي.
