لاعبو منتخب مصر يوجهون رسائل مؤثرة إلى الجماهير المصرية
لاعبو منتخب مصر يوجهون رسائل مؤثرة إلى الجماهير المصرية
- المنتخب الوطني
- بعثة المنتخب الوطني
- كأس العالم
- المنتخب
- إمام عاشور
- زيكو
- كريم حافظ
- مهند لاشين
- رسائل للجماهير المصرية
- الجماهير
- موعد وصول بعثة المنتخب
حرص لاعبو المنتخب الوطني على توجيه رسائل خاصة إلى الجماهير المصرية قبل وصول بعثة الفريق إلى أرض الوطن، معبرين عن تقديرهم للدعم والمساندة التي حظي بها المنتخب خلال مشواره في بطولة كأس العالم، وهو ما أثار تفاعل الملايين من رواد وسائل التواصل الاجتماعي.
رسائل مؤثرة من لاعبي المنتخب الوطني
نشر عدد من لاعبي منتخب الفراعنة، عبر حساباتهم الشخصية على موقع التواصل الاجتماعي «فيسبوك»، رسائل مؤثرة للجماهير المصرية قبل وصول بعثة المنتخب إلى أرض الوطن، ومن بينهم اللاعب إمام عاشور: «آسف لكل شخص كان متعلق بالحلم، ولكل حد كان مؤمن بينا ومستني نفرحه.. كنا نفسنا نكمل المشوار ونحقق اللي يليق بدعمكم، وحاربنا بكل اللي عندنا، لكن قدر اللّٰه وما شاء فعل».
وتابع «عاشور»: «كل الشكر والتقدير للجهاز الفني، ولكل زمايلي اللاعبين على المجهود والروح والقتال حتى آخر لحظة.. والشكر الأكبر لكل من ساندنا ووقف في ضهرنا وآمن بينا من أول يوم لآخر دقيقة، وعد إننا هنرجع أقوى، وهنفضل نقاتل بكل ما عندنا عشان نفرحكم ونشرف اسم مصر».
بينما نشر اللاعب كريم حافظ: «كان نفسنا نفرح أعظم شعب في الدنيا.. الشعب المصري اللي كان دايمًا واقف في ضهرنا وبيساندنا بكل حب بذلنا كل اللي عندنا، لكن دي في النهاية كرة القدم، فيها المكسب وفيها الخسارة.. شكرًا لكل مصري آمن بينا ودعمنا، وكان سبب في إننا نقاتل لآخر لحظة.. فخور بيكي يا بلدي وفخور إني مثلت اسم مصر في كأس العالم، الحمدلله علي كل شئ».
لم يختلف الأمر كثير بالنسبة للاعب مهند لاشين، الذي كتب: «بشكر ربنا و بتمني شعبنا العظيم يكون فخور باللي قدمناه وبشكر جمهورنا العظيم و السيد الرئيس علي دعمهم.. أكيد كنا بنتمنى نكمل المشوار و نفرحكم أكتر من كده، لكن دي إرادة ربنا فخور بكل واحد كان موجود في الرحلة دي من أول يوم، كلنا اشتغلنا بإخلاص، ومحدش بخل بنقطة عرق وهو بيلعب باسم مصر.. شكرا من القلب ليكم كنتوا سند لينا في كل مكان، دي مش النهاية بل بداية لخطوة جديدة».
رد فعل الجمهور على رسائل لاعبي المنتخب
وكتب اللاعب «زيكو»: «أحب أشكر سيادة الرئيس على دعمه واهتمامه بينا، وشكر شعب مصر العظيم على وقفته معانا وجمهورنا اللي كان مالي الأستاد من أول يوم لآخر لحظة.. دعمكم وثقتكم كانوا أكبر دافع لينا، وكنا بنحارب في كل ماتش عشان نفرحكم.. ووعد مننا دي مش النهاية، دي بداية لحلم أكبر».
وتمثلت التعليقات الداعمة لمنتخب الفراعنة، «سطرتوا التاريخ ورفعتوا اسم مصر يا أبطال»، «شكرا ليكم فرحتونا ورفعتوا راسنا.. كلنا ثقة فيكم وفي قتالكم لحد آخر لحظة»، «شرفتو مصر والوطن العربي.. أداء فوق الممتاز»، «سنتذكر دائما أن من كسر هيبة الأرجنتين والهالة الوهمية حولها بأنها بطل العالم»، «انتو أبطال العالم اللي بجد.. فخورين بيكم ودايما وراكم».
