شريف إكرامي يبكي في فيديو إعلان اعتزاله: شكرا للجميع

أعلن شريف إكرامي حارس مرمى بيراميدز الحالي والأهلي السابق اعتزاله بشكل رسمي بعد 30 عاماً في المستطيل الأخضر، لتكون آخر محطاته النادي السماوي.

وبكى إكرامي في مقطع فيديو نشره عبر صفحته الرسمية قائلاً: «بعد أكتر من 30 سنة جه الوقت اللي أودع فيه الملعب وأعلق الجوانتي، شكراً لكل نادي لعبت فيه فينورد والجونة كل واحد فيكم ضاف لي كتير كإنسان مش بس كلاعيب، شكراً بيراميدز اللي ختمت فيه وكنت محظوظ أكون جزء من جيل حفر تاريخ لنفسه وللنادي».

وتابع حارس المرمى: «لكن هيفضل للنادي الأهلي مكانة مختلفة في قلبي، الأهلي مش مجرد نادي لعبت فيه ده المكان اللي اتولدت فيه وكبرت واتعلمت ونضجت فيه ومنه الناس عرفتني وحققت فيه كل اللي كنت بحلم بيه كلاعب، الأهلي غير أي حد، وأكبر شكر لعائلتي الناس اللي استحملت ضغوط الشغلانة دي، أوقات أكتر مني أنا شخصياً وكانوا دايماً حواليا وقت التسقيف والأضواء وكانوا دايماً أول ناس موجودين لما كل ده اختفى».

وأختتم إكرامي حديثه قائلًا: «النهاردة أنا بسيب الملعب بس مش هسيب اللعبة اللي ادتني اكتر بكتير أوي مما كنت احلم، وعلمتني عن الناس والدنيا والحياة اكتر بكتير مما كنت أتخيل، وعلمتني اللي بيفضل مش بس الماتشات والنتائج والبطولات، لكن اللي بيفضل هو السيرة الحلوة والأثر اللي بنسيبه، بقول لكم من قلبي وبقول للكرة شكرًا، وبشكر الجمهور اللي ساندني كل الرحلة، عيشت معاكوا لحظات فرحت فيها وزعلت فيها وكل لحظة منهم سابت حاجة جوايا، حتى الناس اللي انتقدوتي بشكرهم برضو لان انتوا كنتوا سبب في البني أدم اللي بقيت عليه النهاردة»

• شريف اكرامي
• اعتزال شريف اكرامي